116 nembiak SK Lela Pahlawan, Lingga nerima bantu beg sekula

Bisi 116 iku nembiak ari renggat pra-sekula nyentukka primari 6 di Sekula Primari (SK) Lela Pahlawan, Lingga nerima pemeri Beg Sekula ari Kaban Kunsil Nengeri ( ADUN) Lingga Simoi Peri ditu pagi tadi.

Ku Simoi madah, pemeri tu iya nya inisiatif enggau pengawa ti digaga ninting taun Palan Servis Komuniti DUN Lingga ti nyadi sebagi ari singkang dikena ngangkatka agi pengeransing nembiak sekula kelimpah ti ngatur aktiviti pelajar.

“Sebedau tu kitai udah nyuaka pemeri ti sebaka ngagai sekeda sekula primari di DUN Lingga lalu sekali tu bala anak kitai di SK Lela Pahlawan ke nerima pemeri ti sebaka tu,” ku iya lebuh ti bejaku ba pengerami nya ditu, pagi kemari.

Sama bsi datai ba pengerami nya, Kepala Pengajar SK Lela Pahlawan Ahmad Ibrahim, pengajar kanan sereta eksko Gerempung Apai Indai enggau Nembiak (PIBG) ke bukai.

Ba pengerami nya mega Simoi udah nyuaka geran perintah ngagai PIBG sekula nya.