KM nerima penemuai basa raban PBS ba opis iya kemari
Kepala Menteri, Datuk Patinggi Abang Johari Tun Openg udah nerima penemuai meri basa raban ari Parti Bersatu Sabah (PBS) ba opis iya di Wisma Bapa Malaysia di tu kemari.
Raban nya betuaika Presiden PBS, Datuk Seri Dr. Maximus Johnity Ongkili.
Sama bisi dia Sapit Kepala Menteri, Datuk Amar Douglas Uggah Embas enggau Tan Sri James Jemut Masing.
Kepala Menteri mega neri- ma penemuai meri basa ari Gerempung Sekolah Jenis Kebangsaan Cina ( SJKC) Kuching Samarahan enggau Serian ba endur ke sama.
Diuluka presiden gerempung nya Jonathan Chai, raban nya ngawakka di pengelama setengah jam betemu enggau Kepala Menteri.
Entara pekara dikerandau baka isu pemansangu pelajar China di Sarawak kelimpah ngenataika beberapa peminta ngagai Kepala Menteri.
Sama bisi diam Menteri Opis Kaunsil Kandang Menua enggau Pengawa Berumah, Datuk Dr Sim Kui Hian.
Abang Joharimega bisi nerima penemuai ari Majlis Daerah Luar Bandar Sibu enggau Serakup Indai Tunggal.