MBM fokus deka ngemansangka raban nembiak di Borneo
Program pemansang nembiak deka majak diatur ngambi ulih ngangkat raban nembiak ba sukut pemansang nengeri, menua
“
Ungkup program tu kami fokus ngagai 4K iya nya ‘Keluarga, Kerjaya, Kewangan ” enggau Kesatuan’.
KUCHING: Kaunsil Nembiak Malaysia ( MBM) deka fokus ngagai nembiak di Borneo iya nya Sabah enggau Sarawak alai ngatur program pemansang nembiak.
Chairman ABIM Sarawak, Muhammad Azhari madah, pekara tu udah dikerandau enggau Presiden MBM Jufitri Joha ngambika enda putus ngatur program ke ulih nyaup ngangkatka raban nembiak ba sukut pemansang nengeri enggau menua Malaysia.
“Ungkup program tu kami fokus ngagai 4K iya nya ‘Keluarga, Kerjaya, Kewangan enggau Kesatuan’,” ku iya seraya ngarapka penemu dibantai presiden MBM ulih meri peransang ngagai raban nembiak ngambika terus nyapai pemujur.
Iya madah munyi nya lebuh dikerandau pengarang berita beserimbai enggau program Kolokium Ketuai Nembiak Sarawak diatur Raban
Muhammad Azhari Chairman ABIM Sarawak
Nembiak Islam Malaysia (ABIM) Nengeri Sarawak ba Kompleks Nembiak Lumba enggau Main Sarawak (JBS) ditu, kemari.
Program kolokium ti keterubah endar diatur ditu kemari, digulu urung 120 ari raban Serakup Nembiak Nasional Bersatu Sarawak (SABERKAS), Kolej Komuniti, ABIM Nengeri Sarawak enggau ke bukai.
Entara batang jurai ke bisi dibantai beserimbai enggau program tu ; Ulah Ketuai Nembiak Nengah Aktiviti Gerempung, Nembiak eng- gau Batang Pengawa, Nembiak, Ruang Bilik enggau Perambu Belanja.
Ungkup penemu ba renggat nasional tikas umur orang ke dikumbai nembiak beumur urung 15 ngagai 40 taun tang ba renggat nengeri Sarawak taja umur udah manggai 60 taun mega agi dikumbai nembiak, ku Azhari.
MBM iya nya sebengkah Gerempung Ukai Perintah (NGO) ti chakah ngatur program enggau ngemata gerempung nembiak di menua tu.
Ditumbuhka 9 September 1950 lalu presiden keterubah MBM, FC Arulanandum direjister dibaruh Akta Pertubuhan Belia dan Pembangunan Belia 2007 (Akta 668).
Tuju penumbuh MBM tu dikena meransang pemujur bala nembiak ba semua bidang nyengkaum ekonomi, sosial, runding, pengerai tubuh, ulah enggau politik.
Pia mega gerempung tu nempa ulah nembiak ti mereti, sayau ke menua sereta nyikap sida ngemeranka daya idup ti tuai runding, kreatif, proaktif sereta beratka tanggungpengawa.
Ngelansa pekara bukai, Azhari lebuh ditanya sentang tikas umur pengundi ti deka diinsur ari 21 ngagai 18 taun, iya madahka pekara nya nyadi siti pemar besai laban ba umur 21 mega bedau mayuh raban nembiak ngerejista diri nyadi pengundi.
Taja pia, iya madah mutar pekara tu begunaka kere- jasama ari perintah ngamb begulai ngatur program dikena ngubah runding raban nembiak awakka lebih tuai runding ba pengawa politik. Sama bisi datao Direktor Opis Nembiak enggau Lumba (JBS) Nenger Sarawak, Nizam Ismail Presiden Kaunsil Nembiak Sabah Farid Sainuri, CEO Global Peace Mission Malaysia, Ahmad Fahmi Samsudin enggau ke bukai.