PEMASA deka ngatur klinik nimbak laja kena 22-24 Feb

Gerempung Nimbak Laja Sarawak ( PEMASA) deka ngatur klinik nimbak laja spengelama tiga hari berunggu ba Stadium Tetutup Sibu ditu ari 22 nyentuk 24 Februari ti deka datai.

Pengawa ngatur tu ti nerima kerejasama ari Gerempung Nimbak Laja Sibu mega dikena nambahka pengelandik enggau penemu bala pemain di menua tu.

Sekretari PEMASA Sibu Eric Tiong madah, sida udah nyiri ex-ketuai Kaunsil Lum- ba enggau Main Sarawak (MSNS) ungkup pekit nimbak laja Chong Yap Lee ti deka bejalaika klinik nya ila.

Diatu, CHong tu endang nyadi jurulatih enggau penyanding penemu ba WA Achery Centre, Thailand.

Bayar masuk nyereta klinik tu iya nya RM200 siku lalu RM100 ungkup nembiak sekula.

Tiong madahka klinik nya lebih ngagai pengawa meri kelala bekaul kereban dikena nimbak laja, meri penemu bekaul pengawa masang tauka ngintu kereban nya, ngaga tali enggau bakani deka ngintu kereban nya.

Kelimpah ari nya, iya madahka pesereta mega patut mai set nimbak laja kediri empu.

Ku iya, pengawa ngatur klinik tu iya nya nyadi siti peluang ti patut diperebut semua orang ti andalka pekit nimbak laja tu.

Ungkup sida ti deka nemu enggau silik tau betelefin ngagai Tiong ba lumur 0168686817.