SIDS Sibu deka ngatur AGM,16 Feb tu

Sarakup Indu Dayak Sarawak (SIDS) Sibu deka ngatur Aum Besai Ninting Taun (AGM) kena 16 Februari (pagila) ti bepalan ba Hotel Paramount pukul 9 pagi.

Chairman SIDS Sibu Angelyn Uchi Maseng madah, AGM sekali tu deka disereta Presiden SIDS Dato Ir Alice Jawan ke mega nyadi Penyanding Penemu SIDS Sibu.

“Nadai pengawa milih komiti baru ti diatur maya AGM tu ila laban penggal kitai iya nya ari taun 208-2020.

“Nya semina baum dikena nemu ripot bekaul pejalai duit, aktiviti enggau pekara ti bekaul ke bukai,” ku iya madah ngagai pengarang berita kemari.

Berindik ari nya, iya minta semua kaban SIDS Sibu ngambika datai ba AGM nya ila.

Nitih ku iya, SIDS Sibu deka ngatur tiga program besai ba taun tu iya nya Pekit Neneun Oua Kumbu Sarawak 2019, Pengerami Mantar Gawai Dayak Bagi Menua Sibu 2019 enggau Pengerami Makai Lemai ngintu 30 taun SIDS Sibu ditumbuh.

Penerang ti silik ulih betelefon enggau iya empu ba lumur 016-8825861.