23 kaban KRT Kpg Tengah Sri Aman nyereta program nemuai ‘Jom Ngerayo Ke Sabah’

Sepenyampau 23 iku kaban Kawasan Rukun Tetangga (KRT) Kampung Tengah, Sri Aman ngulu Program Lawatan Integrasi Komuniti 2019 “Jom Ngerayo Ke Sabah” pengelama lima hari empat malam berengkah ari 14 nyentuk 18 Februari tu ke Nengeri Sabah.

Chairman KRT, Khamis Sita Wasli madahka tuju program penemuai nya dikena ngiri penemu enggau bekun- sika peneleba antara nengeri Sarawak enggau Sabah begulai enggau beberapa KRT ba nengeri nya.

Ku iya, rambau penemuai nya, sida mega ngatur pejalai integrasyen ngagai KRT Taman Kota, di Tuaran.

Kelimpah ari ngelawa KRT Taman Kota, sida mega dibai nemuai ngagai beberapa endur ti manah ngelingi Kota Kinabalu nyengkaum Pulau Manukan, Pulau Sapi, Tanjung Aru, Desa Daily Farm, Taman Kinabalu enggau beberapa endur bukai ti manah ba Indu Mengeri Kota Kinabalu.

Sama nyempulang penemuai nya Pemesai Penyerakup Bagi Menua Sri Aman Ahmad Kamal Malek sereta Pemantu Pemansang Mensia Mayuh ba Opis Pemansang Mensia Mayuh( KEMAS) Bagi Menua Sri Aman, Kelvin Lambai.