Utusan Borneo (Sarawak)

Sistem e-Learning ulih nyungkak tikas pelajar nembiak sekula

Enti dibanding enggau ngena bup teks ngenusahka nembiak sereta apai indai ari sukut ungkus belanja, berat dibai ke sekula

-

MIRI: Sistem belajar ngena chara elektronik (e-Learning) ukai semina dipeda ulih mantu nambahka tikas pemanah dalam pelajar raban nembiak rebak baru dalam kelas, tang mega ulih mantu ngelimatka ungkus, pia ku Kaban Kunsil Nengeri ( ADUN) Pujut Dr Ting Tiong Choon.

Ku iya nerang, taja pan bisi pemerat ngena bup teks, tang nya enda dipilih kemaya hari ketegal ungkus ngemansutk­a bup nya ti mar lalu maya ngena bup nya enda lama.

“Baka di Sekula Primari China (SJKC) Chung San Miri tu empu, kepala pengajar iya nya Choo Chong Lok lebih agi milih bekenaka sistem belajar e-Learning kenyau ari tiga taun ti udah dikena ngurangka tating penusah nembiak sekula mai bup teks ke sekula.

“Iya (Choo) ngena chara nya dalam proses belajar tang lebih agi ulih ngemuntang­ka pengawa belajar sida kelimpah nembiak enda ibuh bebaika bup teks nitigka subjek ti dipelajar ninting hari ke sekula,” ku iya.

Iya bejaku munyi nya ngagai pengarang berita sepengudah ngelawa ke SJKC Chung San ditu, kemari.

Nitih ku Dr Ting, penemuai iya ke sekula nya mantu iya ngambika nemu enggau silik pengelebih dalam bejalaika sistem e-Learning ke ulih dijadika chunto ungkup dikena semua sekula primari enggau sekondari selampur menua.

Ku Ting, iya deka bekunsika chara bejalaika sistem e- Learning di sekula nya ngagai Sapit Menteri Pelajar Teo Nie Ching dikena nyukung Opis Menteri Pelajar ngambi berundingk­a ngena sistem nya.

“Ari ungkus ngena sistem nya, apai indai di SJKC Chung San semina mayar urung RM12 sebulan ungkup tetiap nembiak dikena pengawa ngintu enggau ngeamanah kereban e-Learning di sekula nya.

“Nya dikena dalam pengawa ngintu enggau ngemanah komputer nyengkaum ‘software’ ti dikena bala pengajar dalam kelas.

“Tu jauh bekelimat dalam ungkus bup teks ti dikira urung RM200 ungkup siku nembiak dikena meli bup teks tetiap subjek,” ku iya madah.

Ku Dr Ting nerang, udah datai maya nya Malaysia ngena sistem pelajar baka di menua mansang ke bukai laban nya entara singkang dikena ngang- katka sistem pelajar ditu.

Ba kenang ke bukai ku iya madah dekaka Opis Menteri Pelajar ngambika meda nama ti ulih digaga iya nya nyangka deka ngambah penyampau kelas kelebih agi di sekula primari bantu jaku China dikena nambahka tikas pengulih sereta jam belajar nembiak lalu dikena nampung penyampau peminta ti makin nambah ba komuniti bumiputera.

“Majoriti sekula primari jaku China di Sarawak iya nya ngembuan lebih 40 nyentuka 50 nembiak dalam kelas, ukai semina bisi nembiak ti bebansa China tang mega ari bansa bukai.

“Penyampau tubuh nembiak ti engkeman dalam tetiap kelas iya nya entara 25 nyentuk 35 iku nembiak aja ke ulih diundan dalam sebuah kelas.

“Pengawa nambahka pemesai kelas endang patut lalu maya nya mega mayuh agi pengajar dikena nangkup peminta nya,” ku iya nambah.

Dulu agi ari nya, Choo madahka SJKC Chung San Miri iya nya sebuah aja sekua China ti udah ngena sistem e-Learning dalam kelas ditu.

Ku iya, program belajar ti dikena nya endang engkeman enggau silibus pelajar Malaysia enggau ‘website’ ti dikena mega diatur penuh lalu semina ulih diakses nitihka lambar ti nemban.

“Pengelemi e-Learning tu iya nya raban sekula begunaka sambung internet enggau tikas pengelaju internet ke tinggi dikena nentuka proses belajar bejalai enggau lanchar sereta manah,” ku iya.

Baka di Sekula Primari China (SJKC) Chung San Miri tu empu, kepala pengajar iya nya Choo Chong Lok lebih agi milih bekenaka sistem belajar e-Learning kenyau ari tiga taun ti udah dikena ngurangka tating penusah nembiak sekula

” mai bup teks ke sekula.

Dr Ting Tiong Choon ADUN Pujut

 ??  ?? BEGUNAKA KELAS TI BESAI: Dr. Ting mega ngemeratka pematut ngemesaika kelas dikena nangkup pemayujh nembiak ngambika belajar enggau lantang berindik ari sekula jaku China mega ukai nerima nembiak bansa China aja, tang ari bansa bukai.
BEGUNAKA KELAS TI BESAI: Dr. Ting mega ngemeratka pematut ngemesaika kelas dikena nangkup pemayujh nembiak ngambika belajar enggau lantang berindik ari sekula jaku China mega ukai nerima nembiak bansa China aja, tang ari bansa bukai.
 ??  ?? ALBUM: Toh puan melah kek rambau pejalai ngelawa Home For The Aged Krokop ditu kemari.
ALBUM: Toh puan melah kek rambau pejalai ngelawa Home For The Aged Krokop ditu kemari.
 ??  ?? SISTEM BELAJAR DIGITAL: Choo (dua kanan) nyuaka Dr Ting bekaul tikas penyulut nembiak SJKC Chung San Miri kenyau ari taun 2016 sepengudah sistem e-Learning dipejalai di sekula nya.
SISTEM BELAJAR DIGITAL: Choo (dua kanan) nyuaka Dr Ting bekaul tikas penyulut nembiak SJKC Chung San Miri kenyau ari taun 2016 sepengudah sistem e-Learning dipejalai di sekula nya.

Newspapers in Malay

Newspapers from Malaysia