Toh Puan Ragad ngelawa dua gerempung pengasih dalam program ‘Jalinan Kasih’

Bini Tuai Megai Menua ( TYT), Toh Puan Datuk Patinggi Ragad Kurdi Taib udah ngulu program pengasih ‘Jalinan Kasih’ ngelawa dua buah gempung pengintu pengelantang ditu, kemari.

Pejalai keterubah Toh Puan Ragad iya nya ngelawa rumah pengandai tuai, Home For The Aged di Krokop lalu penatai iya disambut Chairman Home for The Aged Temenggung Dato Sri Lee Sie Tong, Penyelia Home For The Aged Betty Pong sereta bala komiti bukai.

Rambau pejalai nya, Toh Puan Ragad mega nyuaka pemeri ngagai 24 iku orang tuai ke diau dia.

Toh Puan Ragad udah nya nampung pengawa iya ngelawa Palan Ngibun Nem- biak Methodist Miri, ti diuan sepenyampau 20 iku ti beumur lapan ngagai 18 taun.

Toh Puan mega bisi nyuaka pemeri ngagai bala nembiak dia.

Nengah kededua pejalai nya Toh Puan Ragad mega bis nyuaka pemeri bela penyampau RM7,000 ungkup belanja kededua gempung pengintu pengelantang nya.

PEMERI: Toh puan Ragad nyuaka pemeri ngagai siku ari penerima di Palan Ngibun Nembiak Meth odist Miri.