Tujuh iku lenyau palan endur ngenduh sepengudah rumah suwa sida angus lengis

Tujuh iku sida ti nyuwa lenyau palan pengenduh pengudah dua bilik disuwa sida angus ba penusah nyadi ba Kampung Keranji Madu, Selangau urung pukul 11.30 malam, Hari Empat tu tadi.

Ketuai Polis Pelilih Mu- kah DSP Jimmy Panyau madah penusah angus sebuah rumah kayu seringkat ti bisi dua buah bilik.

“Api mujur dirara raban Opis Bomba enggau Penyah Penusah lalu nadai sebarang penusah bebadi nyawa nyadi,” ku iya madah ngagai Utusan Borneo.

Sida betubuh tujuh iku tu diatu agi diau ngenduh ba kaban belayan diri pengudah penusah nya.

Semina siku aja sida ti tasah diripot bisi bakal ba kening enggau betu ba tapa kaki.