Uggah: Kepala Menteri siku ketuai ti ngamatka jaku
Pengudah dua taun udah mangku pengawa nya,KM nyata ulih nembuka sekeda inisiatif baka ke kala disebut iya
KUCHING: Kepala Menteri Datuk Patinggi Abang Johari Tun Openg siku ketuai ti ngamatka jaku sereta nyata ulih nembuka sekeda inisiatif, pia ku Sapit Kepala Menteri Datuk Amar Douglas Uggah Embas.
Ku iya, entara pemujur ke dijapai iya taun tu iya nya neritka chukai nyual produk petroleum lima peratus, insentif RM1,000 ungkup tetiap iku anak mit peranak Sarawak ti ada enggau subsidi tambang penerebai RM300 ungkup nembiak peranak Sarawak ti mulai kediri ngagai nengeri tu maya musim pengerami.
“Dalam timpuh dua taun udah mangku pengawa nya, kepala menteri udah mandangka iya amat siku ari kitai.
“Iya bisi juluk enggau pemerani ngeletakka ku-
“
Iya bisi juluk enggau pemerani ngeletakka kuing Sarawak ba pekara ke nyadi diatu lalu nya nadai kala nyadi
” sebedau tu.
Datuk Amar Douglas Uggah Embas
Sapit Kepala Menteri
ing Sarawak ba pekara ke nyadi diatu lalu nya nadai kala nyadi sebedau tu,” ku iya lebuh ngarika Abang Johari n gagai Pengerami Taun Baru China Gempung Gerempung China Kuching, Samarahan enggau Bagi Menua Serian ke mega Makai Lemai beserimbai enggau Penumbuh ke- 40 taun di sebuah hotel ditu kena Hari Minggu nyin tadi.
Ku Uggah, pengudah ngangkat sumpah nyadi kepala menteri ke-6, Abang Johari udah bebendar ngenanka hak Sarawak.
“Iya amat bebendar deka mulaika hak Sarawak ari baruh Sempekat Malaysia 1963 (MA63) baka iya ti bebendar negika Gabungan Parti Sarawak (GPS).
“Iya mega enggau berunding bebatak asur ba hak nengeri (maya baum enggau Komiti Khas MA63 kena 17 Disember) baka ba kuasa autonomi immigrasyen, hak neritka ordinan nengeri nitihka Konstitusyen Perintah Besai, nyaga garis entara menua nitihka hak nengeri ba tasik, pengeraja asal baruh tanah dalam nengeri.”
Tu ku iya, mandangka Abang Johari ngereja pengawa dikena nentuka semua komitmen iya nyadi nyata.
“Sehari tu (Hari Minggu), kitai mega bisi berita manah ke alai 47 iku ti ditan ba Kemboja lalu 40 iku nya ari Sarawak udah sangkai ba Kuching nepan bilun ke dichatar perintah nengeri.
“Tu m andangka kepala menteri siru ke rayat. Iya n adai ngagai media lalu naburka pengawa ti deka dikereja iya. Iya ngereja nya naka ti dikedeka ke iya lalu rayat ulih meda asil ti dikereja iya,” ku Uggah, seraya nyindir sekeda orang ti suah ngelakuka pengawa politik nengah media tang enda semina bejaku aja tang enda ngereja.
Iya mega meri jamin ngagai presiden Gempung Gerempung China Kuching, Samarahan enggau Bagi Menua Serian Dato Richard Wee, ke alai sukung ti bantaika gerempung nya mandangka penyiru komuniti China ti deka man- dangka sukung ngagai Abang Johari.
Wee lebuh ke bejaku dulu ari nya, bekunsika timbal ari komuniti China bekaul penyampau pengari raban bansa China ke mimit ba kereja perintah Sarawak, lalu gerempung nya deka bekerejasama enggau Perintah Sarawak ngambika penyampau etnik ke gawa ba opis perintah sebela agi.
“Aku ngenukuka deka ngenataika pesan kita ngagai kepala menteri pagila (Hari Satu),” ku Uggah.
Maya makai lemai nya, Uggah diberi basa ngarika Tan Sri Datuk Amar Wee Boon Ping nyuaka Gelar Servis ungkup Komuniti China ngagai Kapitan Hu Hee Juen ti di kemataka Wee, Menter Kaunsil Kandang Menua enggau Pen gawa Berumah Datuk Dr Sim Kui Hian, Konsu Besai China di Kuching Cheng Guangzhong, chairperson pengatur pengerami Tan Cho Yian, bala ketuai komunit China enggau bala temuai ke bukai.
Gelar Khas mega ngaga niang Chai Tze Khin, ex-eksekutif penyanding penemu ke mega presiden mendam t dipebasaka gerempung nya.