Penau, pengelandik tinggi nyamin Sarawak nyapai pemansang TVET
Pelin ekonomi komprehensif udah diatur nengah SCORE nangkup peminta Revolusyen Industri 4.0 manggai 2030
SIBU: Perintah nengeri randa bendar bekenaka orang ti ngembuan pengelandik tinggi ba tuju ngelawa pemansang Transformasyen Pelajar Teknikal enggau Latih Vokasional (TVET) dalam Revolusyen Industri 4.0.
Menteri Wang II ti mega Menteri Dagang Antarabansa enggau E-Dagang Dato Sri Wong Soon Koh madah, perintah nengeri udah ngatur pelin ekonomi ti komprehensif nengah Projek Kuasa Tau Dikena Baru Sarawak (SCORE) manggai taun 2030.
“Pelin tu endang mungkur pengawa nyedia sereta bekenaka orang ngembuan pengelandik teknikal ti nentuka pemansang Sarawak.
“Ketegal nya, University College of Technology Sarawak (UCTS) ditumbuhka dikena nempa orang gawa ti bepengelandik tinggi ba pengawa teknikal enggau vokasional sereta ulih ngemanahka tikas ekonomi ba timpuh ke panjai SCORE,” pia ku iya madah maya bejadi Seminar dan Forum TVET: Peranan Teknologi dan Halatuju TVET Dalam Revolusyen Perindustrian 4.0 di UCTS, kemari.
Jaku iya tu dibacha Naib Cancelor UCTS Datuk Dr Khairuddin Ab Hamid.
Wong ti mega Chairman
“
Pelin tu endang mungkur pengawa nyedia sereta bekenaka orang ngembuan pengelandik teknikal ti nentuka pemansang
” Sarawak.
Dato Sri Wong Soon Koh
Menteri Wang II
Kaunsil Direktor UCTS muji program ti keterubah iya diatur nengah kerejasama Jabatan Pembangunan Kemahiran (JPK) enggau UCTS.
Ku iya, program ke diatur nya tau bendar mantai penerang ngagai penyereta bekaul enggau awak ke bisi di UCTS nengah siti program ke baru iya nya Bachelor of Technology Management (Honours).
Kelimpah ari nya ku iya, nengah program nya mega penyereta deka nemu tanggungpengawa JPK ti nyaup nempa nembiak ngembuan pengelandik ti tinggi ba teknologi.
“Ngarapka forum tu tau meri penemu ke ulih ngangkatka pelajar pengelandik teknikal enggau vokasional ungkup nengeri Sarawak.
“Kitai andal forum baka tu deka mai pengeransing ngagai kitai nyungkak pemansang pengelandik teknologi ba renggat nengeri Sarawak tauka menua Malaysia dudi hari ila,” ku iya madah.
Sama bela datai maya tu iya nya Ketuai Direkter JPK Ts. Nidzam Kamarulzaman Ab. Hamid enggau Ketuai Operasyen Tabung Ekonomi Gagasan Anak Bumiputera Sarawak (TEGAS) Awangku Merali Pengiran Mohamed.