Kena jam maya besekula ngemansangka penau, pengelandik
Pemandai ti diulih besekula ulih dikena napi pemar dalam abad Ke-21 nyaup diri sebilik, komuniti enggau menua
SIBU: Bala nembiak dilalau ngena jam sida ba sekula enggau manah dikena ngemansangka penau enggau pengelandik sida.
Bejaku lebuh ngelancharka ‘Program Jom Ke Sekolah’ ba SMK Deshon, prinsipal sekula nya Nicholas Bamphield madahka nya ulih mantu sida napi pemar kelebih agi dalam abad Ke-21.
“Peluang besekula sigi diberi ngagai semua. Pelajar nya chara ngangkatka tikas pengidup kitai kelebih agi dikena munaska penyeranta.
“Nya kebuah, semua bala nembiak anang enda ngena peluang belajar bebendar lalu kena mih jam kita maya besekula dikena ngemansangka penau enggau pengelandik awak ke kita ulih nyaup kita sebilik, komuniti enggau
“
Peluang besekula sigi diberi ngagai semua. Pelajar nya chara ngangkatka tikas pengidup kitai kelebih agi dikena munaska
” penyeranta.
Prinsipal SMK Deshon Nicholas Bamphield
menua tu jemah ila,” ku iya. Iya mega ngarapka nengah ‘Program Jom Ke Sekolah ‘ ulih nyeliahka bala nembiak enda nurun besekula, ngaul diri engagu aktiviti ke enda manah, penanggul disiplin enggau aktiviti ti enda beradat ba luar sekula.
Iya mega pechaya program nya ukai semina ulih meransang bala nembiak, tang mega ngenanka pengerindu belajar ba sekula.
“Nya alai, aku pechaya kitai patut ngena peluang tu nentuka penatai 100 peratus nurun besekula,” ku iya.
Berebak enggau nya, Penulung Kanan (Pekara Nembiak) Alli Hassan Teck macha jaku pengelalu ari Menteri Pelajar, Dr Maszlee Malik lalu Pemesai Komunikasyen, Inspektor Kalidasan Prasad macha jaku pengelalu ari Kepala Inspektor Polis, Tan Sri Mohamad Fuzi Harun.