Siti jematan runtuh ketegal tanah tusur di Kampung Segar, Simunjan
Sebuah lori lungkup pengudah jematan di Kampung Segar, Simunjan runtuh ketegal tanah tusur tengah hari kemari.
Ku Sekretariat Komiti mutarka Penusah Ngenyit Nengeri ( JPBN) Sarawak, jematan nya runtuh ketegal enda tetanka pemerat sebuah lori ti nengah jematan nya.
“Opis Pelilih Simunjan nerima kangau ari mensia mayuh ti madahka kes tanah tusur nya udah ngujungka sebuah jematan runtuh di Kampung Segar, Simunjan tengahari tadi (kemari).
“Jematan nya runtuh ketegal enda tetanka pemerat sebuah lori ke nengah jematan nya,” pia ku Sekretariat JPBN Sarawak.
Ku iya baru, Opis Penyaga Pengelikun Mensia Mayuh Malaysia Asajaya madah ngagai Opis Pelilih Simunjan ke alai bisi kes tanah tusur nya ngagai polis ngambika matau pengelikun penguna jalai alaun ba kandang endur nya.
Kelimpah ari nya, Opis Kereja Raya (JKR) mega udah dipadahka sentang penusah ke nyadi ba endur nya.
“Pengawa matau deka dipejalai dikena nentuka pengelikun penguna jalai alun enggau peranak menua ba kandang penusah nya nyadi,” ku iya.
Ku iya baru, JKR Sarawak udah nganjung kunteriktor ngagai endur nya ngambika ngagai jalai muntang sementara.
“Kami mega udah ngasuh CMS Roads Sdn Bhd ngaga jalai muntang sementara enggau naka pengelengkas,” ku iya.