MTUC deka ke hak pengereja pengawa nengeri tu ditegi
Kongres Kesatuan Sekerja Malaysia (MTUC) mantaika langgur penemu ngambika pangku pengawa Menteri Pengatur Pengereja Pengawa dalam kabinet nengeri negika hak pekereja ditu.
Ku Sekreteri MTUC Sarawak, Andrew Lo pengatur pengereja pengawa nya kunchi ke pemansang nengeri enggau rayat Sarawak.
“Kami bisi 29 iku Menteri enggau Menteri Muda dalam kabinet nengeri, tang nadai siku pan mangku tanggung pengawa ngatur pengereja pengawa.
“MTUC deka nemu batang polisi Sarawak, tang kami pechaya nya siti chara dikena ngulihka mayuh agi pengaya ungkup rayat Sarawak.
“K i t a i m e s e t i b i s i pengereja pengawa ke l andik, meransang pemansang modal mensia sereta mutarka sekeda isu lama sentang pekereja menua luar , produktiviti pekereja, kaul industri sereta dikena ngemansangka siti pelin ke mungkur semua peneka modal mensia,” ku iya ba penerang media kemari.
Ku iya baru, nadai pematut nyalahka Putrajaya ketegal kurang pemansang.
Kuasa autonomi ti ditegi perintah nengeri siti tanggungpengawa ke besai.
Sentang pekereja, semina pengudah nyauka 50 taun Ordinan Pekereja Sarawak udah diubah ngambika meri hak ngagai pekereja berengkah ari taun 2008.
“Gaji minimum baruh agi di Sarawak semina ketegal pengaji madahka mayar gaji ke baruh pengelama lima ‘dekad’ ke udah.
“Nama kebuah di Kelantan, orang berikan bisi nerima gaji minimum tang pekereja ke nadai pangkat ba palan kompeni kayu di Sarawak enda tau?
“Nyauka 80 peratus pekereja ba enam kompeni ti beoperasyen dalam sektor nebang kayu batang enggau sawit d nengeri pekereja ari menua luar.
“Urung 10 ari 17 pelilih menua ke pemadu seranta d Sarawak.
“Kandang menua baka Kapit enggau ulu entigis, ke endur ngulihka bebilion kayu ngelama tu, mengkang nyad kandang menua ke seranta ,” ku iya.
Nyema bisi peluang kereja ti mayar gaji ke patut tentu kes 40 nembiak kita ti ditipu gawa di Kemboja enda nyadi.
Amat ngemaluka laban nembiak ari menua kita pechayaka Kemboja bisi endur gawa ke manah agi ari di Sarawak, ku Andrew kemari.