Pekit Petanque Tetutup PPWS Kpg Pabahanan ulih ngeratka tanggam kaul ba raban serakup nya
Ngemeranka aktiviti lumba enggau main nyadi batang tuju ngatur Pekit Petanque Tetutup ke diatur Persekutuan Perkumpulan Wanita Sarawak ( PPWS) Pampang Kampung Pabahanan ditu apin lama udah.
Chairman gerempung nya, Fariyana Ajmain madahka pekit nya diatur nengah kerejasama kawasan Rukun Tetangga (KRT) Pabahanan.
Ku iya, bisi 22 iku ngerichahka pekit nya ke diatur nyadi siti aktiviti ninting taun serakup nya.
“Program nya ulih ngepunka aktiviti ke bepengerai sereta ngeratka tanggam kaul ba raban serakup,”ku iya.
Ba pekit nya,Tim Mimah Cucah udah nyadi champion sereta nerima perais RM200, Tim Anak Bapak ba lumur dua ke mai pulai perais RM160 lalu Tim Redbull ba lumur ketiga nerima perais RM120.