Dua iku bakal ba penusah bebadi kediri di Kuala Baram

Siku deriba entukar 4WD enggau siku ke bukai bakal pengudah entukar ditepan seduai bebadi kediri ba jalai alun, besemak Jematan Pasu, Kuala Baram, urung pukul 7.10 pagi ensanus.

Seduai ti benama Moris Regie, 48, enggau Maria Ranggi, 54, meruan dalam entukar lebuh raban bomba enggau penyah penusah datai ba endur penusah nyadi laban bakal taja enda tepekul.

Penguasa Bomba enggau Penyah Penusah Zon Miri, Law Poh Kiong madahka seduai bela dianjung raban sepital ngagai sepital, ti sama bisi ba endur penusah nyadi.

BENUNG KIRUH: Beberapa kaban bomba mantu mansutka seduai ti bebadi ari entikar ngambika dibai berubat ngagai Sepital Miri.