Nama baru PSB enda tau dikena laban bedau dikemendar RoS

Sekretari Besai United People’s Party (UPP) George Lo madahka ukai pekara ke betul ba kaban nya ngena nama baru ke diperambu iya nya Parti Sarawak Bersatu (PSB).

“Aku ulih ngenukuka pengawa nukar nama United People’s Party ngagai Parti Sarawak bersatu bedau dikemendarka Opis Pengerejista Gerempung (RoS). Kebuah pia laban nama parti enggau logo bedau ditukar lalu nya kebuah kitai bedau tau ngena nama baru nya diatu,” pia ku penerang Lo ensanus.

“Bekaul enggau ripot surat berita sentang jaku ti dipansutka Datuk Joseph Entulu Belaun maya aum betambit pintu enggau bala penyukung iya di Kanowit (Hari Enam), Aku enggau meri sebarang nyentuk ke aku kebendar sentang pekara nya,” iya m adah munyi nya lebuh ngenang ex- Sapit Presiden Parti Rakyat Sarawak (PRS) ke mega ex-MP Selangau MP sereta ex-Menteri ba Opis Menteri Besai (Joseph).

Entulu bisi madahka PSB deka bediri minta pilih ba sekeda kerusi.

Taja pia, Entulu nadai madahka pasal penuduk iya lebuh ti mansutka pekara nya ba sebuah restoran di Kanowit kena Hari Enam nyin tadi. Taja pia, enda temu sekalika iya bisi ngerejista kaban ngagai barang bagi parti politik pengudah ke ditingkil ari parti begulai enggau empat iku kaban kunsil besai nyerumba pengawa ngantung nama ungkup Pengawa Bepilih Besai kena 9 Mei.

Ketegal ditingkilka nya, iya enda ulih bediri nyadi chalun ngena tikit Barisan Nasional ( BN) di Selangau.

Pengudah BN Sarawak pansut ari BN pengudah pengawa bepilih besai nya, UPP ngaga pemutus deka nukar nama ngagai PSB, tang nyentuk ke diatu mengkang nganti pemendar ari RoS.