Titik KM 0.00 Jalai Besai Pan Borneo majak dilawa mensia mayuh
Pengudah Jalai Pan Borneo Telok Melano ke Sematan dipenyadi kena 26 Januari tu tadi, Kilometer 0.00 Telok Melano terus dilawa mensia mayuh ari luar Sarawak.
Pengagit datai ba titik pengemun Jalai Besai Pan Borneo sereta meda pemanah pantai di Genturung Pendiau Telok Melano udah matak penatai beratus iku temuai ninting hari kelebih agi maya ujung minggu enggau kemisi belelak.
Beserimbai enggau kemisi Taun Baru China enggau ujung minggu ke panjai apin lama udah, awak nya udah dikena memanah temuai ari Semporna, Sabah iya nya Mohd Nazib Abdul Luman enggau Noredah Basani ke dipelaba temuai ari Semporna, Sabah tu keterubah ngindikka kaki ba Telok Melano nya.
Ku Nazib ti ngawa nyadi juruelekterik peribit di Semporna, nyadi juluk ati iya enggau bini iya datai ba ujung kar Sarawak iya nya Telok Melano.
Pengudah tembu renggat keterubah ari Sematan ke Telok Melano ke sepenyauh 32.77 kilometer (km), juluk nya ulih dikemujurka.
Seduai rindu agi deriba kerita diri empu seraya ngayam pemanah rampa menua semanjai jalai nya.