Perintah nengeri sedia bekerejasama enggau perintah PH
Pemutus nya ke pemerat ungkup semua pemansang ke deka digaga di nengeri Sarawak, ku Abang Johari
KUCHING: Perintah nengeri seruran sedia deka bekerejasama enggau perintah Pakatan Harapan (PH), pia ku Kepala Menteri Datuk Patinggi Abang Johari Tun Openg kemari.
Ku iya, nya ke pemerat ungkup semua pemansang nengeri Sarawak.
“Tang enti polisi sida enda manah ba kami, kami deka nulak,” ku iya lebuh dikerandau maya Sesi Ketuai Begulai enggau Rayat di Dewan Komuniti ditu ke bela digulu Sapit iya, Datuk Amar Douglas Uggah.
Sama bisi enggau Menteri Pansik Pelajar, Sains enggau Teknologi Dato Sri Micheal Manyin sereta Menteri Kaunsil Kandang Menua enggau Pengawa Berumah Datuk Dr. Sim Kui Hian.
Abang Johari mega madahka Sarawak sebuah nengeri ti diperintah ketuai enggau parti
“
Tang enti polisi sida enda manah ba
” kami, kami deka nulak.
Datuk Patinggi Abang Johari Tun Openg
Kepala Menteri
nengeri tu empu.
“Nengah chara nya kitai ulih ngemujurka polisi pemansang enggau perambu kitai taja pan bisi tekeruga mimit baka ke kala ditengah kitai maya enggau Barisan Nasional (BN) suba, ku iya.
Polisi perintah GPS seruran berat ke Sarawak enggau rayat iya.
Berebak enggau nya, Abang Johari ngenukuka diri deka ngamatka semua semaya ti udah digaga iya.
“Aku ukai orang ke bula, bula nya siti dusa lalu aku enggai ditanya sentang semaya ti enda disengaja tauka bula maya ke agi idup,” ku iya.
“Beri kami awak ngereja nya laban barang bagi projek pemansang ke besai meseti begunaka perambu silik sebedau ulih di pejalaika,” ku iya.
Bekaul enggau penemuai iya pengelama dua hari ngagai Bagi Menua Betong, iya madahka diri deka meda penanggul ba sitak nya lalu deka gawa enggau naka pemanah ke rayat.
Ku iya, sitak nya bisi potensial besai ungkup pengawa betanam betupi moden.
Perintah ku iya, deka ngemansangka semua perengkaguna ke deka diguna.
Tu nyengkaum siti padang bilun ke semak enggau Spaoh sereta ngangkatka infrastruktur digital ke alai 39 iti tiang telekomunikasyen deka didirika ngambika bisi sam- bung ke amnah agi.
Ba pengerami nya, Abang Johari mantaika beberapa iti projek ke udah dikemendar ungkup Spaoh.
Nya nyengkaum Kompleks Lumba enggau Main ke beungkus RM14 juta, projek ngemanahka rampa Tebing Sungai Spaoh ke beungkus RM6.4 juta, siti opis sub-kandang endur baru ke beungkus RM4.6 juta, siti jematan bes baru ke meraka Sungai Paku ke beungkus RM5.7 juta enggau Jalai Surie / Turie ke beungkus RM35 juta.
Nangkanka nya Abang Johari mega bisi nemuai ngaga Luban Ulu semak ditu bejad pengerami nasih tanah endur nirika tiang komunikasyen.
Tiang nya beungkus urung RM1 juta, projek Opis Bekuasa Multimedia Sarawak.
Ba pengerami nya, iya madahka perintah nenger merambu deka nirika 300 it tiang nya di serata nengeri taun tu ngena belanja RM1 bilion
“Taun baru kitai deka nirika 300 iti agi tiang nya.
“Tu mih chara kami ngaga ubah ke alai kami beratka atur digital enggau ekonom digital,” ku iya.