Rayat tetap deka bediri tegap begulai enggau Kepala Menteri

Pejalai nengeri Sarawak jemah ila mayuh pemar tang rayat tetap deka tegap bediri begulai enggau Kepala Menteri, Datuk Patinggi Abang Johari Tun Openg.

Sapit Kepala Menteri Datuk Amar Douglas Uggah madah munyi nya ba sesi ‘Ketuai Begulai enggau Rayat’ ke digulu Abang Johari enggau ketuai nengeri bukai ba balai mensia mayuh ditu kemari.

“Kami semua deka seruran enggau nuan, lalu enda nejuka nuan bediri kediri. Kami deka meri sukung penuh ngagai nuan laban udah mandan- gka pemintar sereta iring ke chukup tuai runding nyentuk ke diatu,” ku Uggah m adah ngagai Abang Johari ke bela besemaya deka ngamatka semua semaya iya ngagai rayat di Sarawak.

Taja pia, mayuh projek udah digaga, ke buka deka b erengkah enda lama agi, tang perintah Pakatan Harapan ( PH) api ngamatka semaya ke mayuh udah disemaya sida.

Ketegap perintah baru nya enda ulih ngamatka semaya, nya udah ngasuh idup sekeda rayat betapi enggau pemar kelebih agi ti amat begunaka nya, ku iya.

Ngenang sentang pengawa betanam betupi, Uggah ke mega Menteri Betanam Betupi Moden, Tanah Adat enggau Pemansang Kandang Menua madahka k andang menua ari Bagi Menua Betong n yentuk ke Bagi Menua Sarikei udah ditetapka nyadi kandang menua ‘bakul pemakai’ nengeri.

Taja pia ku iya, mayuh agi taman agro deka ditumbuh ngambika pekara nya ulih dikemujur.

Ku Uggah, bisi guna ba sistem entali ai ke manah ngambika kandang tanah kerapa ke besai ulih diadu enggau manah agi ungkup pengawa betanam betupi.

N g e n a n g p e k a r a bukai, Uggah meri terima kasih ngagai Abang Johar laban nyendiaka subsidi tiket penerebai ungkup nembiak Sarawak ke benung belajar ngambika ulih pulaike menua diri maya musim kemis pengerami.

Ku iya, urung 1,000 nembiak udah minta subsidi nya maya pengerami Taun Baru China apin lama udah.

Ba pengerami nya, 470 iku pengempu tanah NCR ditu udah nerima 686 hak ngempu tanah sida ari Abang Johari.