Sarawak ngerikod pemutus ti manah ba peresa STPM 2018
Pemutus STPM 2018 ungkup nengeri niki ngagai PNGK 2.73 enti dibandingka enggau PNGK 2.64 ba taun 2017
KUCHING: Sarawak ngerikod pemutus ti manah ba peresa Sijil Tinggi Persekolahan Malaysia (STPM) 2018, ke alai 92 iku chalun udah mujur bulih puku rata serata gred (PNGK) 4.00.
Direktor Opis Pelajar Nengeri Sarawak, Dr Azhar Ahmad nengah penerang rasmi kemari, madahka pemutus STPM 2018 ungkup nengeri niki ngagai PNGK 2.73 dibanding enggau PNGK 2.64 ba taun 2017.
Ari sukut pemujur ke diulih ba mata pelajar ku iya, bisi mayuh nambah ngagai 10 ari 21 iti mata pelajar ke diambi ke ngaul Pengajian Perniagaan, Pengajian Am, Ekonomi, Komunikasi dan Teknologi Maklumat, Syariah, Seni Visual, Bahasa Melayu, Geografi, Sejarah enggau Bahasa Arab.
“Ari sukut pemujur individu, bisi 92 iku chalun sekula sekondari (SMK) Sarawakudah mujur bulih PNGK 4.00 dibandingka enggau 51 iku chalun ba taun 2017.
“Bisi 1,997 iku agi chalun bulih PNGK 3.00 ke atas nambah 4.25 peratus diband-
“
Ari sukut pemujur individu, bisi
92 iku chalun sekula sekondari (SMK) Sarawakudah mujur bulih PNGK 4.00 dibandingka enggau 51 iku chalun ba taun
”
2017.
Dr Azhar Ahmad
Direktor Opis Pelajar Nengeri Sarawak
ingka enggau1,726 chalun ba STPM taun 2017,” ku iya seraya madahka dua iku chalun Sarawak iya nya Kuan Kah Yee ari SMK Tun Abdul Razak, Padawan enggau Connie Ong Hui May ari SMK Oya, Dalat udah bulih pemutus ke nyulut sereta dikangauka ngulu Pengerami Anugerah Nyulut STPM 2018 renggat menua di Kuala Lumpur kemari.
Ari sukut pemujur ke diulih sekula, bisi 28 buah sekula udah bulih pemutus STPM 2018 ke chukup manah iya nya PNGK ngelui ari 2.80.
SMK Chung Hua, Sibu ngerikod pemutus ke pemadu ungkup sekula- sekula Sarawak ti bulih PNGK 3.53 ditangkanka SMK Kampung Nangka, Sibu (PNGK 3.50) enggau SMK Sacred Heart, Sibu (PNGK 3.46).
Berebak enggau nya, bisi 5,479 iku chalun udah ngerejista diri ngambi peresa STPM di Sarawak ba taun 2018 ke alai 5,450 ari nya chalun sekula sekondari lalu 29 iku agi chalun ngatika diri.
Ari semua penyampau chalun ke berejista, 5,191 iku chalun sekula ti udah bulih setipikit STPM ba taun 2018.
Pemutus peresa STPM 2018 ungkup chalun sekula udah dianjung nggai prinsipal sekula lalu Kaunsil Peresa Malaysia (MPM) deka nganjung pemutus chalun ngatika diri nengah pos.
Semua chalun tau meresa pemutus sida nengah servis pesan pandak (SMSM), taip STPM <jarak> Result <jar- ak> No. Kad Pengelala lalu anjung ngagai 15888.
Sida mega tau meresa website MPM di ww.mpm.edu. my berengkah ari kemari pengudah pukul 12.00 tengah hari.
Barang bagi chalun ti deka ngemetulka penerang sida ba slip pemutus tau ngaduka nya kena tauka sebedau 31 Mei 2019.