Paren: Rayat dipinta nyukung kimpin ‘Sayangi Sawitku’ KUCHING:

Setipak enggau juluk perintah deka nambahka 10 peratus nguna produk ari Sawit menua tu, rayat di nengeri tu dipinta meri sukung ngagai kimpin “Sayangi Sawitku”.

Pinta nya disadaka Penyelaras DAP Katibas Paren Nyawi, laban naka ke diatu semina 20 peratus aja produk ari Sawit menua tu ke dikena.

Ku iya, lebih nya, 80 peratus ungkup makit eksport.

“Sukung ngagai produk menua tu ti bepelasarka minyak sawit beguna amat sereta ngaul semua serap mensia mayuh.

“Pengawa tu ukai aja unkup penguna tang pengeluar enggau pengilang produk bukai ti bepelasarka minyak sawit mega pa- tut dilekatka label kimpin “Sayangi Sawitku” ba semua produk bepelasarka sawit ngambika penguna nemu pemesai guna produk sawit dalam pengidup besesehari,” ku iya ba sebengkah penerang kemari.

Ku Paren, entara min- yak sawit dalam pengidup besesehari baka pemakai, dikena ngintu jelu enggau pemakai jelu tupi, produk diken mandi sereta nyaga diri, penyuchi mayuhguna, penyuchi gari enggau biodiesel.

“Tuju kimpin tu dikena ngangkatka penaluk berasai temega sereta sayauka Minyak Sawit ti Dipansutka Malaysia.

“Ba awak ke sama beratka minyak sawit Malaysia nyadi batang komoditi ti mantu ekonomi menua,” uku iya.