Perintah besai dipinta nyaup mutarka penanggul suntuk ai di SMK Ulu Balingian SIBU:

Gerempung Apai Indai enggau Pengajar SMK Ulu Balingian (PIBG) minta perintah besai mantu mutarka penanggul ai, ti ngenusah urung 700 iku di sekula nya.

Chairman PIBG sekula nya, Lanting Lenggeng madah taja pan penanggul ai nya nyadi belebuh, tang penanggul nya udah nyadi pengelama dua taun lalu u dah ngenusahka bala pengajaar enggau nembiak sekula nya.

Ku iya, penanggul nya majak mar maya musim kemarau laban sekula nya balat bepanggai ba ai ujan ke ditimbun.

“Sekula nya bepanggai ba ai ujan ke ditimbun lalu nya nyadi penanggul maya hari kemarau,” ku iya madah ngagai The Borneo Post ensanus.

Lanting madah, injin pam ai ke dikena sekula nya ngepam ai ari Sungai Balingian River n gambika bisi ditaruh, enda entu manah agi ketegal sot karan pengudah kabel besai rusak laban excavator ti ngaga pengawa ba Jalai Besai Pan Borneo.

Batang paip besai ke ngagai sekula nya ke ba semanjai Jalai Besai Pan Borneo mega rusak ketegal pengawa ngaga jalai nya, ku iya.

Iya udah minta kunteriktor ngaduka pam ai nya, tang mengka enda berapa manah baka ke dikedeka.

Taja pia, kunteriktor bisi mekal ai ngagai sekula nya ngena lori tangki ungkup sekeda timpuh.

Nambahka nya, Lanting mega nemu penanggul nya udah dikenatai ngagai Opis Menteri Pelajar Sarawak, tang penanggul nya semina diputarka ungkup timpuh ke pandak aja, baka nyendiaka bala nembiak enggau butul ai irup aja.

“Bedau lama udah, kunteriktor Sibu n garika Opis Menteri Pelajar Sarawak meri lapan igi tangki ai ngagai sekula nya, ngambika bisi ai dikena 700 iku orang dis sekula nya ninting hari, ke semina suma chukup aja.

“Nyema lori ke nganjung ai nya rusak, reti iya sekula nya nadai ai.”

Dikena ngelimat ai, tebal agi bala pengajar ke Sibu ti sepenyauh 109 km ari nya maya ujung minggu, bebasu ke gari.

Ku Lanting, PIBG mega udah meli injin pam ai dikena ngepam ai ari sengai mit di belakang sekula nya ngambika bisi dikena bala nembiak mandi enggau bebasu. Bisi 460 nembiak ke bemalam enggau 110 iku pulai harin besekula dia.

Ku iya,” Berasai berat ngemansutka belanja urung RM300 tiap minggu tauka urung RM1,200 sebulan ungkup minyak aja.

“Ke bendar, PIBG enggau bala apai indai nguji mutarka penanggul bekal ai ba sekula nya, tang nadai mayuh utai ulih dikereja kami laban ungkus ngaduka pam ai, paip ai enggau kabel karan nya begunaka ungkus ti besai,” ku iya.

SMK Ulu Balingian ditumbuh dalam taun 1984, urung 30km ari pasar Selangau. Paip ai di sekula nya nadai kala ditukar kenyau sekula nya udah ditumbuh.

Sekula nya bisi 53 iku pengajar, semilan iku staf ukai pengajar enggau 60 buah ruang bilik.

Berebak enggau nya, bisi 350 iku apai indai deka begempuru likun ba pintu penama sekula nya dikena matak perati perintah besai sentang penanggul ai ke ditapi sekula nya.

Ba sentang telekomunikasyen, Lanting madah enti deka ngaga kangau bala dia meseti niki ngagai bukit di belakang kuaters pengajar, taja pia arus telefon nya enda entu manah.

Sekula nya nadai arus mendam, ku iya.

“Ungkup Internet, bungkur nya bisi tatak nengah optikfiber ti diapsang bulan siti nyin tadi,” ku iya.