KGBS nyukung penemu nyendiaka palan khas alai pengajar belelak
Nya siti chara nyendiaka palan gawa ti likun sereta lantang lalu nyungkak produktiviti pengajar maya bejalaika pengawa ngajar
SIBU: Gerempung Pengajar Bumiputera Sarawak ( KGBS) nimbal manah penemu Menteri Pelajar Dr Maslee Malik ti minta sekula ba menua tu nyendiaka bilik khas alai bala pengajar belelak ari bejalaika pengawa.
Presiden gerempung, Ahmad Malie madah, KGBS meda penemu nya siti chara dikena nyendiaka palan gawa ti likun sereta lantang.
Ku iya, KGBS pechaya penemu nya bela deka nyungkak produktiviti pengajar maya bejalaika pengawa ngajar.“Ba pekara tu, KGBS ngarapka Maszlee ngamatka jaku iya lalu patut dikemujur enggau lengkas.
“Ke diatu bala pengajar semina belelak ba bilik pengajar aja ti endang ditemu kurang kondusif alai gawa ti tebal agi sekut laban mija, tugung keretas enggau bup
“
Ke diatu bala pengajar semina belelak ba bilik pengajar aja ti endang ditemu kurang kondusif alai gawa ti tebal agi sekut laban mija, tugung keretas enggau
” bup latih nembiak.
Ahmad Malie Presiden KGBS
latih nembiak,” pia ku iya madah.
Iya mantaika jaku tu maya dipinta nimbal penemu Dr Maszlee ti deka meda sekula menua tu nyendiaka bilik khas alai bala pengajar belelak.
Maszlee, nitihka ripot madahka bilik pengajar ke diatu lebih agi endur sida gawa. Penemu nya ku Maszlee, sebengkah ari juluk ari Opis Menteri Pelajar deka nempa palan gawa ti manah.
“Ba psikologi, tu endang beguna bendar laban pengajar mega mensia baka kitai bukai ti randaka awak alai belelak.
“Aku mega ngelaluka kompeni luar, Gerempung Apai Indai enggau Pengajar (PIBG), NGO tauka alumni bela tau nyuaka pemeri ngagai sekula nyendiaka bilik khas nya,” ku iya madah.
Ba Ahmad, penemu baka nya seriris enggau gaya diatu ti udah dikena sekula ba menua bukai.
“Ambika chunto, empai lama tadi aku ngarika KGBS nitihka Menteri Pelajar, Sains enggau Pamansik Teknologi Dato Sri Michael Manyin Jawong nemuai ke Finland.
“Maya nemuai ngagai beberapa buah sekula din, kam dibai sereta dipandangka sit endur khas alai bala pengajar belelak, berandau enggau bala bukai kelimpah pemakai enggau ai irup bela disediaka ba endur nya,” ku iya madah.
Berindik ari nya, ku Ahmad, KGBS nyukung amat penemu Maszlee nya.