Penyampau eksport babi Sarawak ke Singapura dijangka nambah manggai ba taun 2030
Sarawak taun siti nyin tadi udah ngeksport 40,000 babi idup beungkus RM45 juta ke Singapura.
Penyampau eksport nya dijangka nambah ngagai RM415 juta nyerumba taun 2030, pia ku Sapit Kepala Menteri Datuk Amar Douglas Uggah.
Iya madah munyi nya lebuh dikerandau pengarang berita televisyen ari konglomerat media ke pemadu besai di Singapura, Mediacorp Pte.Ltd, ba opis iya ditu kemari.
Ku Uggah, diatu Sarawak nyadi ti keterubah numbuhka Palan Nupi Babi (PFA) di Pasir Putih, semak Simunjan.
“Kami udah mindahka urung 66 palan nupi babi komersial individu ngagai palan nya kenyau ari taun 2016.
Palan nupi babi nya moden amat ke alai sistem ‘bio-kes- elamatan’ enggau ngaduka utai kamah ke terit dikena jam ke diatu dikena ba endur nya,’ ku Uggah ke mega Menteri Betanam Betupi Moden, Tan- ah Adat enggau Pemansang Kandang menua.
Kelimpah ari nya, palan nya bisi setipikit MyGap ungkup palan nupi enggau HACCP sereta VHM (Veterinari Health Mark) ungkup rumah endur nyanyat babi.”
Iya arapka perintah ngerembaika PFA nya di pelilih tengah enggau utara Sarawak.
Ku iya, bisi 33 palan nupi babi ba kededua kandang menua nya.
Uggah mega m adahka Singapura ngemendarka import babi idup ari Sarawak laban Singapura nya entara beberapa menua di rantau ke nadai kena rampit penyakit Kaki enggau Mulut.