Orang dagang ba Makit Kanowit mandangka pengeringat enggai dipindah ngagai makit baru
Urung 50 orang ke bejual ba Makit Mayuhguna Kanowit udah mandangka pengeringat ba pasar nya pagi kemari ketegal enggai dipindah Majlis Perbandaran Kanowit ngagai makit baru.
Chairman Parti Keadilan Rakyat ( PKR) Kanowitm George Chen Nguk Fa ke nyadi saksi ulah mandangka pengeringat nya madah, orang ke bejual nya bedau sedia dipindah ngagai makit baru ba Jalai Bungalow ditu.
“Sida ke bendar dipindah ngagai makit ba Jalai Bungalow Road dalam bulan Mac taun nyin tadi, tang semina bejual din urung dua bulan.
Sida nikal baru ngagai makit lama dalam bulan Mei taun siti nyin tadi ,ku iya.
Chen madah, sida ke bejual nya besebana dagang sida enda manah ba makit di Jalai Bungalow.
Aku dipadah ke alai tebal agi sida ke bejual nya enda teulihka RM5 sehari lebuh ke bejual ba makit di Jalai Bungalow, ku iya.
Ku iya, sida ke bejual nya ukai enggai dipindah tang ukai ba makit di Jalai Bangalow, laban nadai mayuh orang ngelawa makit nya.
Ba pengawa mandangka pengeringat kemari, sida ke bejual nya udah bejalai mansa makit baru (ba Jalai Bungalow) nyentuk ke Opis KDC urung pukul11 pagi, ku Chen.
Ku iya, pengudah ngenataika pesan ngagai pengar KDC, pengawa mandangka pengeringat nya diketu kena ke tengahari .
Raban polis mega bis maya nya ngemataka gaya sida nya.
Penyauh Makit Mayuhguna Kanowit ba enggau makit Jala Bungalow urung 500 meter.