Beri sukung ngagai program main asal ke diatur ASADIA

Akademi Gerempung Dayak Iban Sarawak ( ASADIA) mai mensia mayuh terus nyukung program main asal ke diatur akademi nya.

Ketuai ASADIA, Mabong Unggang sukung mensia mayuh beguna amat dikena nyapai juluk akademi ke deka ngintu sereta ngemanahka agi adat asal lama bansaDayak.

“Akademi tu benung muka tiga kelas iya nya nusuk Marik Empang tauka Tangu, kelas ngajat enggau kelas betabuh di Batu Gong, Siburan.

“Kelas nusuk manik siri keempat nya diatur ninting Hari Dua berengkah pukul 7.00 malam ba Indu Opis SADIA di Kota Sentosa ditu.

“Kelas ngajat Batu Gong, Siburan dipejalaika Hari Empat enggau Lima berengkah pukul 7.00 malam nyentuk 9.00 malam ba Dewan Gerempung Ngangkatka Ulah Che Hoe Khor,” ku iya.

Tambah Mabong, semua kelas main asal ke diatur nya betuju ngintu sereta ngangkatka agi pesaka asal raban bansa Dayak kelebih agi Iban.

Iya meri terima kasih ngagai semua ti udah mantu ngemujurka program akademi nya sekalika nengah chara terus tauka enda.

Mabong mai raban bansa sama nyukung pengeram tembu kelas ASADIA t deka diatur 4 Mei tu ila ba Palan Ecumenical Kristian Jalai Stampin ditu.

ASADIA ba pengeram nya mega deka ngelancharka program main asa ke pemadu baru akadem nya, iya nya ngangkatka seni Belikan.

Belikan siti ari seni muzik asal Iban ke nyauka sebaka enggau rengka muzik Sape ke majak punas ba raban rebak baru ke diatu.

KENANG BEGULAI: Pesereta ngajat ASADIA enggau pengari Dewan Gerempung Ngangkatka Ulah Che Hoe Khor begambar enggau Mabong (lima kanan).

FOKUS: Pesereta betabuh ASADIA benung nyinuk beratika pengajar ngajar chara nebah memberi kereban muzik Iban nya.

BELATIH: Pesereta ngajat benung belatih ngajat Iban ti diatur ASADIA di Batu Gong, Siburan.