Pajak sereta tegapka kaul enggau kerejasama dalam PDRM

Penyampau indeks pengawa jai di nengeri tu dipeda bisi nurun berindik ari penyakah raban PDRM bejalaika pengawa, ku Fatimah

KUCHING: Menteri Pengintu Pengelantang Pendiau, Komuniti, Orang Indu, Ruang Bilik enggau Pemansang Anak Mit (KWKPM), Dato Sri Fatimah Abdullah ngarapka kaul manah enggau kerejasama Polis DiRaja Malaysia (PDRM) dipajakka.

Iya bejaku munyi nya ba sebengkah penerang beserimbai enggau pengerami Hari Polis ke-212.

“Meri pengaga ati ngagai semua raban PDRM ketegal udah bebendar gawa, bejejaga sereta udah bejalaika pengawa nyadi polis ngenanka undangundang dikena nyaga penge- likun enggau pengelantang Sarawak.

Nengah pemendar gawa ti dipandangka raban PDRM, penyampau indeks pengawa jai di nengeri tu bisi nurun,” ku iya ke mega Chairman Kaunsil Orang Indu enggau Ruang Bilik Sarawak.

Ku iya, kenyau ari 4 taun ke udah, kerejasama entara KWKPM enggau PDRM ke nyadi kaban strategik udah mujur mantaika kes bekaul enggau raban indu sereta nembiak mit ti udah dibai ngagai kort.

Iya ngarap PDRM deka majak bekerejasama enggau KWKPM sereta rayat ngambi ulih ngurangka penyampau kes bekaul enggau nginsah domestik enggau seksual ngagai orang indu sereta nembiak mit. Baka nya mega kes jai nengah ‘online’ enggau pengawa jai bukai baka dadah enggau reta tanah, ku iya.

“

Meri pengaga ati ngagai semua raban PDRM ketegal udah bebendar gawa, bejejaga sereta udah bejalaika pengawa nyadi polis ngenanka undangundang dikena nyaga pengelikun enggau

” pengelantang Sarawak.

Dato Sri Fatimah Abdullah

Menteri Pengintu Pengelantang Pendiau, Komuniti, Orang Indu, Ruang Bilik enggau Pemansang Anak Mit