BPSB palan penyangkai pemadu besai di Malaysia Timur ba pengawa ngatur kargo
KUCHING: Prestasi Bintulu Port Sdn Bhd (BPSB) ungkup taun 2018, udah ba penuduk ketiga besai ba pengawa ngatur penyampau kargo dibanding enggau palan penyangkai kapal bukai di Malaysia,
BPSB mega nyadi palan penyangkai kapal ke pemadu besai di Malaysia Timur ba pengawa ngatur kargo.
BPSB diarika tiga buah anak kompeni iya nya Bintulu Port Holdings Berhad BPSB, Biport Bulkers Sdn. Bhd (BBSB) enggau Samalaju Industrial Port Sdn. Bhd (SIPSB)
Esekutif Direktor BPSB, Tan Sri Dr Ali Hamsa madahka bisi nambah 51 peratus ba sektor kargo ukai LNG (gis lela) ti dirikod ba taun 2018 lalu nambah 54 peratus dalam semua penyampau ba sektor industri tu.
Tambah mega, Samalaju Industrial Port Sdn Bhd (SIPSB) mega bisi mandangka penambah ti manah dalam 59 peratus sepemanjai 2018 taun nyin tadi, ku iya.
Iya madah munyi nya ba aum pengarang berita beserimbai enggau Aum Besai Ninting Taun (AGM) BPHB Ke-23 ti diatur ba Hotel Hilton ensanus.
Berebak enggau nya, sektor ukai LNG kelebih agi minyak sawit enggau ‘dry bulk” mega bisi mandangka penambah ti manah dalam 6.6 peratus.
Sepenyampau 80 peratus industri dagang datai ari lima buah menua ASEAN baka(Malaysia, Indonesia, Thailand, Filipina, Singapura) sereta mega menua Jepun, China, Korea, Taiwan enggau India.
Iya mega madah,sida deka ngemesaika sektor sida tu kelebih agi ba dagang awak ke taumeri untung ke besai agi.
“Bala kami bebesai ati deka muka jalai dagang lalu narit pemeranak puku ngambika sama ngemansangka sektor BPSB.
“Pia mega, kami deka ransing sereta chakah agi muka jalai dagang ba sektor nya sereta operasyen ke disikap perengkaguna ti manah taun 2019 tu.
Sama datai ngulu aum pengarang berita kemari iya nya, Ahli Lembaga Pengarah BPHB, Datuk Nasarudin Idris enggau Sekretari Kompeni BPHB, Abu Bakar Husaini.