Perintah Sarawak deka bekerejasama enggau Indonesia
Nengah perambu Indonesia ti deka mindahka palan ngatur menua nya ke Kalimantan ti dipelaba ulih ngerapitka agi kaul
KUCHING: Malaysia kelebih agi Sarawak nerima enggau lantang ati perambu Republik Indonesia ti deka mindahka palan ngatur menua nya ke Kalimantan.
Kepala Menteri Datuk Patinggi Abang Johari Tun Openg madah, enti dipejalaika, (pindah) deka meri mayuh penguntung ngagai rayat ari kededua menua.
“Kitai enda ulih masuk champur enggau atur menua luar. Kediatu kitai semina merati pemutus ti digaga Indonesia.
“Tang enti perambu tu diteruska Malaysia kelebih agi perintah Sarawak nerima enggau lantang ati pekara tu, tang enti ulih, kitai patut bekerejasama,” ku iya lebuh ke ditanya sentang pengawa ti deka mindah ke palan ngatur republik nya ari Jarkarta ke Kalimantan.
Iya madah bakanya lebuh ke ditemu media udah ke ngulu program ‘Korban Perdana Majlis Islam Sarawak 2019’ ti dipeny
Tang enti perambu tu diteruska Malaysia kelebih agi perintah Sarawak nerima enggau lantang ati pekara tu, tang enti ulih, kitai patut bekerejasama. Datuk Patinggi Abang Johari Tun Openg Kepala Menteri
adika Tuai Megai Menua, Tun Pehin Sri Abdul Taib Mahmud enggau Toh Puan Datuk Patinggi Ragad Kurdi Taib di Dewan Hikmah ditu, kemari.
Bisi 31 iku orang nerima ti datai ari raban asnaf enggau ‘Unit Saudara Kita’ (USK) ari kandang endur ngelingi Samariang enggau Petra Jaya bisi nerima ungkup dagin korban ti disua Tun Taib enggau Toh Puan Ragad ba program nya.
Berindik enggau nya, Presiden Indonesia, Joko Widodo tauka Jokowi bedau lama tu tadi ngenukuka deka neruska perambu nya ti deka mindahka palan ngatur menua nya ngagai Kalimantan.
Taja bakanya, ku iya, bala sida agi berunding dikena nentuka kandang menua ti deka dipilih nyadi palan alai ngengkah ke palan nya nganti Jakarta.
Ku iya, penemuai ngagai palan nya udah diatur lalu pemutus udah ditentuka dikena milih Kalimantan nyadi palan ti baru.
“Pengawa ti milih palan udah digaga ke alai indu menua deka dipindahka ke Kalimantan tang kandang menua nya bedau ditentuka agi,” ku Jokowi lebuh baum tetutup ngenang sentang mindahka indu menua kena 6Ogos (Hari Dua) bedau lama ke udah.
Sama bisi datai ngulu program nya, Speaker Kunsil Nengeri (DUN), Datuk Amar Mohamad Asfia Awang Nassar; Menteri Dagang Temuai, Seni, Main Asal, Nembiak, Lumba enggau Main, Datuk Abdul Karim Rahman Hamzah; Menteri Muda Bekal Elektrik Menua Pesisir, Datuk Dr Abdul Rahman Junaidi; Yang Dipertua Majlis Islam Sarawak, Datu Misnu Taha sereta bala temuai ti dipebasa ke bukai.