Abdullah Saidol udah ngabas penusah angus kampung di Sedi
KUCHING: Tumbuhka Komiti Penyangga Penush Pelilih Menua dikena mutar kes angus kampung ti mungkur 105 ikar pemesai kampung di Sedi enti agi majak nyadi.
Pekara nya nyemetak dipadah Menteri Muda Pekara Korporat Abdullah Saidol ti ninjau penusah nya beserimbai enggau Hari Raya Aidiladha meda gaya penusah angus kampung di Sedi, Tanjung Manis seharitu lalu disempulang Ketuai Kampung Abdullah Mus.
Ku iya, iya udah minta Pemesai Pelilih Menua ba dia ngambi numbuhka Komiti Penyangga Penusah Pelilih Menua enti gaya penusah angus kampung nya majak nyadi.
Berebak enggau nya, Abdullah ke mega Kaban Kunsil Nengeri ADUN) Semop, ngelawa palan penusah nya kelimpah ke meda utai diguna dikena mutar penanggul nya.
Pia mega, iya udah berunding enggau Opis Residen enggau Pemesai Pelilih Menua minta bantu jampat sereta kerejasama.
Kelimpah ari nya, iya mega bisi nyuaka bantu dikena ngelempungka tating peranak ke diau dia ketegal ke napi penusah baka pemakai, towel, tisu basah, enggau sengkabung mua ungkup guna bala penguasa bomba enggau penyelamat, voleenter enggau bala peranak menua nya ti nyaup ngerara api.
Penusah angus kampung ti mungkur pemesai 105 ikar di Sedi diripotka ulih diputar asil ari operasyen ti digaga kenyau 7 Ogos tu kemari. Operasyen ngerara api penusah angus kampung nya diuluka Ketuai Balai Bomba enggau Penyelamat Tanjung Manis Khairul Basri Sulaiman lalu dibantu Pemesai Kanan Bomba Majidi Tinggal enggau 16 iku raban bomba ari Balai Bomba enggau Penyelamat (BPP) Tanjung Manis, Daro enggau Sibu.
Berebak enggau nya, bisi tujuh iku voleenter Bomba Pulau Bruit diketuai Athirah Main sama bisi ngambi bagi meri bantu.
Penusah angus kampung nya diatu ke nyau semak enggau sembilan buah rumah peranak ba dia kelimpah ti nganguska kebuh sida.
Penanggul bekal ai sereta pili bomba ti jauh ari palan penusah nya, tanah kerapa ti nyau rangkai nyangkaum ribut ti bepuput enggau enda tentu entara penanggul ke ditapi raban bomba dalam pengawa ngerara api nya.
Berebak enggau nya mega, bala peranak menua nya mega bisi enggau mantu nebas rumput ngambika penusah angus nya enda nyerarai.