Program ‘Kem Kepimpinan Belia Toadmasters’ siti pengawa ti manah dalam ngadaka pemansang modal mensia ti bekualiti
SIBU: Menteri Wang Kedua ke mega nyadi Menteri Dagang Antarabansa enggau E-Dagang Dato Sri Wong Soon Koh deka terus nyukung program ‘Kem Kepimpinan Belia Toadmasters’ dikena ngadaka pemansang modal mensia ti bisi kualiti.
Bejaku lebuh ke bejadika program nya ba palan Methodist Centennial Park ditu kemari, Wong andal ke alai program nya ulih meri peransang lalu ngangkatka pengandal raban nembiak dikena sida napi pemansang dunya luar.
“Nama aja ti digaga kita, kita patut ngaga nya enggau bebendar sereta komitmen ti tinggi,” ku iya bejaku ba mua 153 iku pesereta ti bisi
Menteri Wang Kedua
ngambi bagi nyereta program ke diatur Gerempung Swan City Toadmasters nya.
Kem nya ke diatur empat hari tiga malam lalu berambaika jaku ‘I Believe’ udah diatur 16 taun beturut.
Bala pesereta ti datai ari nembiak sekula sekondari ti beumur 13 nyentuk 18 taun ari kandang endur ngelingi Sibu.
Berebak enggau nya, Wong mega madah ke alai sida ti chakah agi bekereja lalu ngaga mayuh latih, selalu agi deka nyadi kering agi, aktif lalu seruran gerai.
“Kekadang kita patut napi pemar, penusah, lelak, enda nyamai ati lalu berasai baruh ari orang sereta enggau ke bukai.
“Semua tu ngajar kita nyadi mensia ti manah agi, baka emas chulin ti udah dilebur enggau api ti angat. Enti nuan bisi pengarap ati ba diri empu, nuan ulih napi semua penguji,” ku iya.
Dalam jaku iya, Wong ke mega Kaban Kunsil Nengeri (ADUN) Bawang Assan mega ngemendarka geran nyadika tanda sukung ngagai program nya.
Sama bisi datai ngulu program nya chairman komiti pengatur ke mega orang ke numbuhka Gerempung Swan City Toadmasters, Dr Clement Chen enggau Presiden Gerempung Swan City Toadmasters, Jane Moh.
Dato Sri Wong Soon Koh