15 iku nembiak SUYC, UNIMAS udah ngatur projek komuniti di SK Kpg Senari
KOTA SAMARAHAN: Bisi 15 iku nembiak sekula antarabansa ari Shaoxing University Yuanpei College (SUYC), China enggau staf ari Universiti Malaysia Sarawak (UNIMAS) Global begulai enggau nembiak sekula UNIMAS ngambi bagi nyereta projek komuniti di SK Kampung Senari, Petra Jaya, bedau lama ke udah.
Entara projek ti dipejalaika nyengkaum ngangkatka manah galeri sekula, bantu perengka elektrik, ngatur aktiviti enggau licha motivasyen nembiak sekula UNIMAS ngagai bala nembiak sekula Primari 4 enggau 5, ngaga baru papan tanda sekula enggau mayuh agi.
Projek nya ke diatur UNIMAS Global nengah program musim angat nya diatur enggau tuju ngambika bala nembiak sekula enggau pengereja pengawa ngenataika servis ngagai komuniti.
Nembiak ari Shaoxing Universiti Yuanpei sekali tu iya nya raban ti kedua ti nyereta Program Musim Angat 2019 ke diatur UNIMAS.
Nitihku, Direktor UNIMAS Global Azlan Ramli, batang tuju ngatur projek nya dikena bejalaika asai pemaik dalan raban pengereja pengawa enggau bala nembiak UNIMAS sereta mega nembiak sekula antarabansa ari universiti menua luar.
Kelimpah ari nya, nya mega siti chara enggau bantu UNIMAS dalam ngemansangka komuniti di Bumi Kenyalang.
Berebak enggau nya ku iya UNIMAS meda peluang dikena begempung enggau ejensi luar dalam penaluk ngemansangka intervensyen strategik ngagai komuniti kelebih agi aspek pelajar enggau pemansang komuniti.
Iya mega nambah,projek nya mega ngatur sesi motovasyen ngagai nembiak sekula SK Kampung Senari ngambika enda putus pengarap nyapai pemujur enggau juluk ati dalam pengidup.
“Aktiviti tu ukai semina nyuaka bantu tang mega ngadaka komuniti ti berat enggau taluk dalam raban pengereja pengawa sereta bala nembiak UNIMAS, nembiak universiti antarabansa sereta bala SK Kampung Senari.
“Sekeda aktiviti digaga iya nya ngangkatka manah papan tanda sekula SK Senari ngena semin ferro enggau mega meri bantu kereban elektrik.
Bantu nya disuaka Azlan ngagai Kepala Pengajar Sk Kampung Senari, Hamdiah Mat dikemataka Suzy ari Kolej Shaoxing Universiti Yuanpei China sereta bala SK Kampung Senari enggau bala pengereja pengawa UNIMAS Global.