APM, Bomba besaup ngerara api nganguska babas semak Begunan RTM Sri Aman

Ku iya, rayat di Bawang Assan patut nikal ngagai pun jalai ke betul sereta anang agi saru runding.

Ku iya baru, pengari rayat ba sitak nya ukai agi menteri dalam kabinet lalu parti sida diatu ukai sebagi ari GPS.

“Nama kebuah deka nitihka iya agi (pengari rayat Bawang Assan), iya ukai agi nyadi menteri. Nikal mih ngagai GPS.

“Anang nitihka iya agi, kalihka sukung kita ngagai GPS,” ku iya ba jaku pengelalu ba Pengerami Ketuai Begulai enggau Rayat ba Rumah Anthony

Philip, Bawang Assan, lemai ensanus.

Pengerami nya diatur Parti Progresif Demokratik (PDP) Bagi Bawang Assan ti dipenyadi presiden parti nya, Datuk Seri Tiong King Sing.

Lebih 1,000 bala penyukung GPS udah datai ngulu pengerami nya.

Sama bisi datai, Mandal Presiden PDP Kunsilor Teo Boon Siew, Ketuai Nembiak PDP Robert Ayu, Ketuai Indu PDP Datuk Chiew Yen Chew, empat Sekretari Politik Kepala Menteri Romeo Christopher Tegong, Tapah Ata, Daniel Bujal enggau Alexander Asing Sadai, Ketuai PDP Bagi Bawang Assan Wong Hua enggau Tuai Rumah Anthony.

Ku iya, Kepala Menteri ke mega chairman GPS, Datuk Patinggi Abang Johari Tun Openg begunaka sukung rayat Sarawak ngambika lalu ulih terus ngiring nengeri tu sereta nyaga hak rayat Sarawak.

“Semina parti nengri tu aja ulih nyaga sereta meretika peneka rayat di nengeri tu. Kitai ngenggaika parti ari Malaya (Semenanjung Malaysia) ti semina beratka menua sida empu aja tang ba awak ke sama enda ibuhka kitai di Sarawak,” ku iya.

Ku Lau, iya deka majak komited ngemansangka insfrastruktur ba sitak Bawang Assan nengah kapasiti iya ke nyadi Sapit Chairman Kaunsil Kandang Menua Pesisir Sibu (MDLBS).

“Sitak Bawang Assan asri baruh kuasa MDLBS lalu mudah mih ngelala sereta mutarka penanggul ke bisi ditu,” ku iya baru.

Nya alai, iya meransang peranak di Bawang Assan ngambika terus nyukung GPS dikena nentuka bisi pemansang belama ba sitak sida.

Ba pengerami nya, Tiong bisi ngungkupka belanja RM100,000 ngagai Rumah Anthony Philip ngambika bisi ngemujurka projek ngangkatmanah rumah panjai sida. SRI AMAN: Babas ke besemak enggau Begunan Radio Televisyen Malaysia (RTM) Lama di Jalai Berjaya ditu udah angus ngenyit lemai ensanus. Pemesai Penyaga Pengelikun Mensia Mayuh Malaysia Pelilih Sri Aman, Siti Huzaimah Ibrahim madah, sida nerima kangau ngenyit bekaul enggau penusah angus nya urung pukul 3.40 lemai.

Seraban bala APM Pelilih Sri Aman udah dianjung ngagai palan nya ngambika mantu Bomba Sri Aman ngerara api nya.

Ku Siti baru, sida nerima kangau ngenyit ari siku staf perintah ke diau ba Rumah Perintah semak enggau babas ke angus nya.

“Iya madah ngagai kami sentang babas angus nya. Iya irauka api nyerarai ngagai kandang rumah staf perintah nya lalu minta bantu APM enggau Bomba ngerara api nya,” ku iya.

Berebak enggau nya, seraban bala Bomba enggau Penyah Penusah ari Balai Bomb Bagi Menua Sri Aman bisi ba endur nya mantu ngerara sereta nyaga api ari nyerarai.

“Api mujur dirara magang urung pukul 6.28 lemai,” ku iya.