Ali datai bejadi pekit main bol ba SK Mendas

Utusan Borneo (Sarawak) - - Berita Iban -

KUCHING: Kaban Parlimen (MP) Saratok Ali Biju bejadika pekit main bol sembilan iku sepiak lalu bisi 20 tim ngambi bagi dalam pekit nya, ke diatur Gerempung Apai Indai enggau Pengajar (PIBG) SK Mendas, di Saratok bedau lama ke udah.

Dalam jaku pengelalu ke dipansutka Chairperso­n PIBG SK Mendas, Bundan Kabi, iya meri besai terima kasih ngagai Ali ke udah meri geran sepenyampa­u RM10,000 ngagai gerempung nya dikena ngatur pekit main bol, perais pekit nya, kelimpah ari sekeda aktiviti ti deka diatur sekula.

Penyampau perais pekit main bol iya nya RM2,450, tropi enggau midul deka diberi ngagai tim ke nyadi champion dalam pekit nya.

Champion pekit main bul deka nerima perais mata duit RM1,000/tropi/midul, ungkup lumur dua,perais mata duit RM700/tropi/ midul),ungkup lumur tiga perais mata duit RM500/ tropi/midul enggau ungkup ngagai tim ke bulih sagu ati deka nerima mata duit RM250.

BEKELALA: Ali (enam ari kiba)betabi jari enggau bala pemain sebedau pekit nya berengkah.

Newspapers in Malay

Newspapers from Malaysia

© PressReader. All rights reserved.