Bansa Penan ngarapka penanggul dokumen pengelala diri sida ulih diputarka jampat

MIRI: “Enda ngawa enti pemansang ke bukai laun datai ngagai kitai, tang pemadu beguna bendar ngagai kami iya nya isu pengelala diri empu laban kitai udah nguan nengeri tu ari turun temurun lalu tu tanah kitai,” ku Ketuai Kampung Tebar Siden, Long Balau di Tutoh, Baram.

“Bisi 12 buah kandang menua ke besai lalu bisi 1,000 iku peranak ke diau ba kandang endur pegai aku tu lalu tebal agi ari sida nadai surat pengada. Kandang menua kami tu pedis deka dilawa nya ke nanggul dalam ngatur pengawa sentang dokumen pengelala diri lalu aku ngarapka pekara tu ulih diputarka enggau jampat enggau enda ngachau nenama parti.

“Kami orang asal beberapa pekara ti digaga ditu nya bebida ari nama ke nyadi ba luar, ambika chunto bidan kami mayuh agi orang lelaki lalu sekeda orang asai mar deka pechaya nyadi mar alai kami ngaga surat pengada. Kami ketuai raban bansa chakah bekereja dikena mantu adat raban bansa kami. Aku enda enggaika ke alai bisi orang luar ti bekereja di kandang menua tu tang aku enda nemu bakani sida datai ngagai kandang menua tu,” ku Tebaran.

Orang Penan diau dalam kampung, idup bepanggai ba asil kampung lalu baka ke ditemu kitai semua, sida nya orang ti pemadu nerima empas ari aktiviti nebang kayu batang di Sarawak lalu semua sida minta diangkat nyadi orang Sarawak sereta ka alai aki ini sida udah nguan Tanah Hak Adat Asal (NCR) tu ungkup rebak dudi sida.

Bansa Penans bepanggai pengidup ba tanah NCR land lalu sida diatu majak napi penanggul ketegal pengawa berimba kampung ti dipejalaika sekeda kompeni kayu batang ba tanah NCR sida, kelimpah betapi enggau pemar ngulih surat beranak enggau IC.

Bedau lama udah, Kaban Kunsil Nengeri Pujut (Miri) Dr Ting Tiong Choon begulai enggau Penan Empowerment Networking Association (PENA) ngatur penemuai lima hari ngagai genturung pendiau Penan di Ba’ Magoh, Ulu Baram enggau Bario begulai enggau Unit Mindah Kin Kitu (UKBM) Opis Pengerejista Bansa (JPN) Miri betuaika Affrizan Bujang, Ketuai Nembiak DAP Miri Peter Hee sereta pengemeran media nyengkaum Opis Ngemansangka Filem Menua Malaysia (Finas) mantu bansa Penans ngulihka kad pengelala enggau surat beranak.

Palan keterubah dituju iya nya Long Menging,urung 10 jam pejalai nengah jalai kayu kompeni batang ngena kerita 4 WD ari Miri ti mesti dideriba orang ke bepeneleba, lalu palan kedua ditapat iya nya Bario, nengah jalai darat ke begunaka pejalai pengelama 14 jam nengah jalai kompeni kayu batang.

Ku Dr Ting, Standard Operating Procedure (SOP) ke bebida patut dikemansang ungkup komuniti di menua pesisir Sarawak enggau Sabah nengah numbuhka mayuh agi penetap pinta ke fleksibel ba iisu peranak menua ti nadai dokumen pengelala ba sida nya.

Iya madah orang ke diau ba menua pesisir nengeri tu baka orang Penan napi pemar ngembuan dokumen pengelala diri laban penanggul kandang menua ti jauh di ulu, belanja enggau logistik dikena ngerejista pengada sereta penanggul ti lama ditapi kenyau ari turun temurun ti nyadi pemar ngagai sida bulih bantu nyengkaum pelajar.

“Merati ngagai dalam kandang menua pesisir enggau baka ti ulih didinga kitai ari ketuai kampung lalu enggau chunto iya enti kita begunaka semua diri senilik begambar, nya deka begunaka belanja ke besai lalu deka nanggul semua sida ngenataika diri ngagai opis begambar enggau mayuh agi, nyadi kitai patut ngaga SOP ti bebida lalu aku pechaya UKBM tu kebendar iya bisi pemanah laban ukai nya sida datai ngagai kitai, kitai ke ngelawa sida enggau semua tim ti lebih landik lalu aku ngarapka tu deka diteruska. Aku pechaya tu chara ti pemadu beguna lalu meri empas sereta mayuh agi nerima bantu kelebih agi ari segi belanja ari perintah ngambika kitai ulih mantu sida ti diau ba menua pesisir,” ku Dr Ting bejaku lebuh ke bisi ditemu ba sebengkah program di Bario.

Enggau pemisi SOP enda ulih dikena enggau penuh dikena bejalaika servis ngagai komuniti menua pesisir laban mayuh pemar ti di tapi bala peranak ke diau ba menua pesisir nyengkaum penanggul telekomunikasyen.

Iya madah, penanggul nya patut bisi chara dikena mutar enggau efektif dikena nentuka rayat Sarawak nadai tinggal nerima bantu enggau penaluk perintah diguna dikena nyeliahka ari pengerugi ari sukut pengereja pengawa menua labuh beribu iku mensia ti puntan ngulihka pengawa ketegal nadai dokumen pengelala diri.

Dr Ting madahka program penemuai khas ke diatur Pena begulai enggau UKBM nya relevan bendar dalam mutarka mayuh macham isu ti bekaul kelebih agi dalam raban bansa Penan.

Chairperson Pena Elia Bit berebak enggau nya madahka isu peranak menua enggau isu dokumen pengelala diri patut diputarka sebedau sida ulih mansang ke mua lalu ngubah pengidup sida dikena ke penyamai pengidup sida dudi hari.

“Baka ke di padah aku sebedau tu, rayat Penan endang udah bisi sebedau menua Malaysia ditumbuhka taun 1963.

“Nya alai, enggau penatai NRD, aku nemu sida ngembuan SOP lalu sida ngerandau orang Penan. Dini apai indai kita? Bisi kini apai ondai kita ngembuan dokumen pengelala diri? Udan tentu sida nyaut nadai. Nama utai dipelabaka kita? Sida udah bisi ditu sebedau penumbuh menua Malaysia sebedau undang-undang ngerejista diri dipejalaika. Sida deka madah apai indai sida udah mati. Tang lebuh ke ditanya bisi surat pemati tauka nadai, orang Penan deka nyaut kami mati lalu pulai ngagai tanah dia nadai surat pemati nya ke nyadi penanggul ngagai JPN dikena ngaga peminta nya. Laban ke nadai surat pemati tauka dokumen, nya alai surat pengada enda ulih ditentuka lalu IC enda ulih dikeluarka, nyadi pekara tu deka nampung menampung nyentuk ngagai generasi nangkan ke nya, lalu sida ke belaki bebini ke bisi anak, status anak sida enda ulih ditentuka.

Elia enda ngenggaika bansa Penan people dibelakang ari sukur pelajar, ekonomi enggau ke bukai.

Ku iya, bisi anak nyulut ba pelajar, tang ketegal penanggul pengelala diri nya meri pemar ngagai sida nam[pung pelajar enggau minta kereja ke manah.

Berebak enggau nya, komuniti Penan lebuh ke dikerandau ngarapka semua penanggul ke agi tejanggal nya baka dokumen pengelala diri, peranak menua ulih diputar jampat.

Rose Melai, a Ba’ Tik rsiku peranak ke diau semak Bario, madahka iya ngarika peranak genturung pendiau iya nganjung peminta laban ukai semua sida ulih nurun ke Bario, tambah mega sida begunaka 2 hari pejalai ari Ba’ Tik baru datai di Bario.

“Kami bisi Ba’ Tik A enggau Ba’ Tik ke 21 pintu ti diuan urung 90 iku. Aku mai mayuh bengkah kes ke tebal agi isu surat beranak. Kami peranak Malaysia tang nyauka semua nadai dokumen ti ulih nyukung peminta sida. Nadai siku pan sida udah bulih kad pengelala nengah peminta ti dikenatai sebedau tu.

“Batang penanggul iya nya kandang menua kami tu jauh amat lalu peranak ba ditu nadai bantu ari segi belanja deka ngenataika diri ngagai opis dikena mutarka semua utai tu. Operasyen tu diatur UKBM mayuh mantu laban sida (peranak kampung) deka nguji enggau pemadu manah datai (enti sida nemu sentang operasyen tu) tajapan sida bejalai kaki sepengelama dua hari ketegal sida nadai perengka pengangkut ti datai ngagai genturung pendiau kami.

“Kami patur dipadah dulu sebedau operasyen nya labn kami begunaka hari dikena madah peranak genturung pendiau ke bukai laban beberapa buah rumah jauh ari sama diri lebuh deka ngenataika pesan tu begunaka hari ke lama. Baka ke dipadah aku, bala peranak kandang menua tu udah tentu datai lebuh ke nemu operasyen proses minta dokumen pengelala diri tu bisi diatur,” ku penerang Rose.