Atur mayuh agi program ‘outreach’ ungkup peranak menua pesisir

Utusan Borneo (Sarawak) - - Berita Iban -

JULAU: Mayuh bengkah ejensi perintah patut ngatur mayuh agi program ‘outreach’ ke pemaik rayat menua pesisir ti kurang benasit manah.

Kaban Kunsil Nengeri Meluan, Rolland Duat madah munyi nya lebuh ke bejadi Kimpin Pengerai enggau Pemereti Pasal Pap Smear ba Rumah Michael Jantan, Bekatan ditu bedau lama ke udah.

Iya madah, mayuh rayat menua pesisir napi pemar ngulihka akses ngagai servis tauka penerang sentang program ekonomi ti disediaka mayuh macham ejensi ketegal penanggul perengka pengangkut, berindik enggau nya iya minta ngagai opis bekuasa patut ngatur mayuh agi program ti baka nya ke pemaik peranak ti diau ba entigis menua pesisir.

Iya muji bala pengereja pengawa Klinik Pengerai Ensiring ketegal ke ngatur program ti beguna nya kelebih agi ba pemereti ati sentang pengerai ba peranak menua pesisir seraya nyendiaka servis pengerai enggau enda bebayar.

Lebuh nemuai ngagai rumah panjai dalam pegai sitak iya, iya beratika mayuh rayat menua pesisir enda nemu sentang mayuh bengkah servis, program enggau peluang ti disediaka perintah nengah mayuh bengkah opis tauka ejensi, lalu enggau nya iya ngasaika bisi guna ti minta mayuh bengkah ejensi ngemanahka sereta ngemetulka gaya nya, ku Rolland.

Rolland mega minta ngagai mayuh bengkah ejensi ngambika ngatur program outreach beserimbai enggau kimpin ketuai begulai enggau mensia mayuh.

Sama bisi datai ngulu program nya Penghulu Robert Datu, Penghulu Joseph Wong King Said, Penghulu Belawan Gerinang, Dresa, Randy Bryan, bala tuai rumah enggau bala pengari ari sekula SK Nanga Ensiring.

MANAH: Ari tiga ngagai lima kanan : Randi, TR Michael, Rolland enggau bala bukai mandangka tanda jari manah pengudah ngelanchar­ka program nya.

TERIMA KASIH: Rolland (lima ari kina) nerima tepa ari Randy (tiga ari kanan) seraya dikemata bala bukai.

Newspapers in Malay

Newspapers from Malaysia

© PressReader. All rights reserved.