Bejejaga enggau pesan palesu nengah WhatsApp
KUCHING: Mensia mayuh dilalau bejejaga enggau siti pesan nengah WhatsApp ti madahka nya ari Opis Menteri Pengatur Pengereja Pengawa.
Pesan nya madahka rayat Malaysia ti udah bekereja entara taun 1990 nyentuk ke taun 2019 tau nerima RM8,500 ari Perintah Malaysia.
Siti kaul ngagai website nya meda bisi disediaka ngagai penguna dikena “meresa” sekalika sida tau tauka enda ngemansutka duit nya.
Pengudah nekan kaul nya, penguna dipinta tama ngagai siti agi website ke diberi nama ‘Ministry of Labor and Manpower’ sereta ngisi pom pansik.
“Penguna patut bejejaga enggau website nya laban nadai elemen website nya diempu perintah ke tipikal,” ku Ketuai Superintenden Mansik Penyalah Komersial Sarawak (JSJK) Mustafa Kamal Gani Abdullah lebuh dikerandau pengarang berita kemari.
Ku iya baru, ketegal nadai “gov.my” ba address website nya, penguna dikuing ke bukai ti nyadi tanda pemadah ke alai website nya patut tau ngasuh saru.
Website ke diempu Perintah Malaysia ku iya, ngembuan kriteria ke patut diisi ba kaul enggau batang website.
“Taja pia iklan ba website kelebih agi ke tu dipeda baka ‘iklan kampung’ laban enda digaga enggau profesional,” ku iya.