Utusan Borneo (Sarawak)

Chara ngajar betunga mua agi relevan

-

KUCHING: Gerempung Pengajar Bumiputera Sarawak (KGBS) minta ngambika langgur ngena chara belajar nengah rikoding pengajar ke dipilih dikunsi enggau sekula bukai lalu diuji dulu.

Presiden gerempung nya, Ahmad Malie madahka langgur nya patut diserenih lalu beratika ni naka pengasi chara rikoding nya meri empas dalam proses ‘ngajar enggau ngemudah chara’ (PdPC) ba raban nembiak sekula.

“Taja pan juluk ati ngaga rikoding bala pengajar diasaika manah tang, KGBS tetap nyemetak deka ke pengawa pengajar ti ngajar betunga mua nya agi relevan,” ku iya madah ngagai Utusan Borneo kemari.

Taja pia ku iya, KGBS beratika chara ngena rikoding pengajar tu agi ulih dikena nyaup mutarka isu pemisi bala pengajar di sekula.

“Ba kami (KGBS), rikoding pengawa pengajar ti dianggap nyadi kereban dikena pengajar ngajar tau ngenegapka agi chara PdPC bala pengajar matapelaja­r nya dalam bilik kelas diri empu,” ku iya.

Nya alai ku iya, ngena kereban rikod pengajar tu semina diguna ba maya ke patut aja lalu ukai dikena tetiap maya ngajar subjek nya.

“Enti dikena tetiap maya PdPC subjek nya ngena kereban rikod pengajar, KGBS irau ati nya deka meri empas ti negatif dudi ila,” ku iya.

Berebak enggau nya, Bernama kena Hari Minggu ngeripotka Menteri Besai, Tun Mahathir Mohamad madahka perintah deka meda sekalika ngena chara ngajar rikoding pengajar ti dipilih dikunsika enggau sekula bukai.

Nitih ku iya, tuju chara nya ke bukai dikena ngemudahka enggau ngangkatka kualiti belajar di menua kitai.

“Kitai deka nguji dikena ngemudahka pengawa ngajar laban pengajar ke enda sama...nyadi nama ke deka digaga kitai iya nya ngiga pengajar ke manah, ngerikod chara sida ngajar lalu ngena matapelaja­r ti dirikod nya di sekula bukai ke alai pengajar deka ngajar bala nembiak (sentang matapelaja­r nya),” ku iya lebuh ke nemuai ngagai Sekula Primari Ritsumeika­n di Kyoto, Jepun.

 ??  ??
 ??  ??

Newspapers in Malay

Newspapers from Malaysia