Gaga lagu ke bekualiti agi enti deka tebilang nama
BINTULU: Dipelaba urung 2,400 iku pesereta udah ngambi bagi ba program ‘Maju Sarawak Run’ serimbai Karnival Tanglung Bintulu di Naim Paragon Bintulu bedau lama udah.
Pesereta berengkah belanda di Paragon Bintulu lalu program ‘Malam Gabungan Persatuan Cina Berdaftar (FORCA) Bintulu’ dipenyadi Menteri ba Opis Kepala Menteri (Integriti enggau Ombudsman) ke mega Kaban Kunsil Nengeri Jepak, Datuk Talib Zulpilip ke ngari Kepala Menteri Datuk Patinggi Abang Johari Tun Openg.
Program ke diatur FORCA Bintulu nengah kerejasama enggau Opis Pemansang Bintulu (BDA) sereta Opis Residen Bagi Menua Bintulu nya bisi digulu Presiden FORCA Bintulu Chin Chee Fui, Menijar Besai BDA Rodziah Morshidi enggau bala ketuai raban bansa nengeri tu.
Mayuh bengkah aktiviti bukai diatur nyenpulang program nya baka pekit tanda asal singa, ‘harmony ride’, pekit belagu, ngaga tanglung, nembiak mit ngaga kue bulan enggau pekit ke bukai. KUCHING: Bala artis ke dalam industri musik Dayak dipinta ngangkatka kualiti dalam lagu sida ngambika ulih terus besemekih dalam jeman teknologi tu.
Presiden Gerempung Anak Seni Iban Malaysia (Pasima), Mervyn Tajem madah, jeman digital ke diatu muka mayuh peluang ungkup industri musik Dayak manggai ngagai makit ke besai agi.
“Dalam jeman teknologi pemadah, nyauka semua orang ulih ngasilka lagu sida enggau album diri empu dalam rumah diri empu ngena kereban enggau perengkaguna seagi sida nemu ngena software ke patut dikena.
“Nya kebuah, aku ngarapka bala artis kitai kelebih agi ke baru deka ngeluarka lagu ngambika kreatif agi sereta bisi kualiti ke manah agi. Semua orang ulih ngaga album, tang enti deka nyadi tebilang, kitai patut ulih ngasilka lagu ti manah agi kualiti,” ku iya bejaku lebuh ke ngelancharka album Bujang Keling Sarawak ba Rumah Asap MK kena malam Hari Minggu nyin tadi.
Iya minta semua bala artis Dayak nemu hak enggau reta intelektual sida dalam jeman digital tu, ngambika sida enda lenyau nama patut dikembuan sida.
Tu ditangkanka enggau licha ari pemesai Opis Menteri Dagang Dalam Nengeri enggau Pekara Orang Bebelika Barang (KPDNHEP) maya pengerami nya, ke meri penerang sentang undangundang ke diatu ti nyaga bala artis enggau reti guna ngembuan deklarasyen berkanun (SD).
Album Bujang Keling Sarawak, kerejasama entara Kaban Music Productions (KMP) enggau Rumah Asap MK, siti komplikasyen lagu bala pemenang pekit belagu ke diatur kededua entiti nya taun siti nyin kemari.
Nya mega mantaika sekeda lagu ari rekoding artis Isa Lee enggau Sakura Diana Dewi, ke nyadi akim ba pekit nya.
Nitih ku Mervyn, album nya kerejasama keterubah iya ti mungkur kompeni ngeluarka lagu enggau rumah asap.
Iya mega madahka album nya siti album ke ngembuan penyelai, ti mantaika mayuh bengkah penatai nyengkaum China, Filipina, Orang Ulu enggau Bidayauh ke ngerikod lagu dalam jaku Iban.
Entara sekeda lagu iya nya Ambai Aku dibai Mecklyen Julih, Bujang Keling Sarawak (Angela Ryann), Tubai Pengerindu (Isa Lee), Joget Sama Ngati Kediri (Ester Jeffery), Dara (Jeft Hardy), Mulut Pulut Ati Keladi (Sakura Diana Dawi), Sanggup Nganti (Roxanne Lee) enggau Tanda Tanya (Reaza Ray Ho @ Raymond).
Sekeda lagu nya mai mayuh macham rentak baka ‘slow rock’, joget, ballada enggau twist dikena nangkup pengerindu orang tuai enggau ke biak.
Siti ari lagu ke diberi nama, Tubai Pengerindu ke nyadi finalis ba pekit Anugerah Carta Siapa Juara (ACSJ) taun tu ke diatur Radio Televisyen Malaysia (RTM).