GPS Renggat DUN Lingga dilanchark­a kena 21 Sept tu

Utusan Borneo (Sarawak) - - Berita Iban -

SRI AMAN: Kaban Kunsil Nengeri (ADUN) Lingga Simoi Peri meri licha lalu nyadi ketuai ba aum Ngelanchar­ka Gabungan Parti Sarawak (GPS) Renggat DUN Lingga ditu.

Nitihka Simoi, licha nya berandauka pasal atur Ngelanchar­ka GPS Renggat DUN Lingga ke ditimpuh kena 21 September tu ila.

Ku iya, aum nya mega deka berandauka atur pengerami Nasih Tanah Tebing Sungai Lingga enggau Palan Bedaja Baru Lingga ke deka dipenyadi Kepala Menteri Datuk Patinggi Abang Johari Tun Openg.

“Projek ngaga Tebing Sungai Lingga enggau Palan Bedaja Baru Lingga ba pasar nya entara sebengkah pemansang baru dipelaba deka ngubah mua pasar Lingga,” ku iya lebuh dikerandau maya aum nya.

Nya alai, sukung rayat ba kandang menua Lingga beguna amat dikena nyapai juluk pemansang nya lalu deka ngubah kandang menua Lingga baka kandang menua ke bukai ti udah maju diatu.

Bela bisi datai iya nya Sapit Kepala Menteri Pampang Parti Pesaka Bumiputera Bersatu(PBB) Lingga, Mohd Yusuf Lugom, raban PBB Lingga sereta bala ketuai raban bansa.

LICHA: Simoi (tengah) meri licha seraya diperatika Mohd Yusuf (dua kiba) sereta bala ke bukai.

Newspapers in Malay

Newspapers from Malaysia

© PressReader. All rights reserved.