Peranak Rumah Andrew Lawai nerima bantu ari MGBJ

Utusan Borneo (Sarawak) - - Berita Iban -

PAKAN: Opis Kepala Pengajar Pelilih Menua Julau (MGBJ) udah meri bantu ngambika ulih ngelempung­ka penusah ke udah ditapi peranak Rumah Andrew Lawai, Jagoi ditu ke nadai rumah alai diau maya penusah angus ke nyadi bedau lama udah.

MGBJ Zamrene Ruin disempulan­g bala kaban ke bukai nyuaka bantu nya lebuh nemuai ngagai sida ke dituntung penusah angus ke diatu benung dipindah di Meradong, Dewan Opis Pelilih Menua Julau ditu bedau lama udah.

Taja bantu mimit, sida andal ari bantu baka sekambut beras keungkup tetiap pintu ruang bilik, uniform sekula enggau barang tulis diberi ngagai nembiak sekula primari rumah panjai nya ngambika ulih nulung sida ngelempung­ka tating penusah ke ditapi, ku Zamrene.

Rumah Andrew Lawai ke bisi 7 pintu nya udah angus abis maya penusah angus ti nyadi sebedau pukul p.m kena 3 September tu tadi ke mungkur 20 iku orang nadai palan rumah endur diau agi.

Newspapers in Malay

Newspapers from Malaysia

© PressReader. All rights reserved.