GRP nyua bantu ngagai Rumah Andrew Lawai, Jagoi

Utusan Borneo (Sarawak) - - Berita Iban -

PAKAN: Gerempung Raban Pakan (GRP) udah meri bantu dikena ngelempung­ka tating penusah angus ke ditapi peranak Rumah Andrew Lawai di Jagoi ditu bedau lama udah.

Bantu mata duit ke enda dipadah penyampau nya diserah ngagai Kaban Exco Longis nya lalu Chairman GRP, Jerenang Jawa meri ngagai Tuai Rumah Andrew Lawai, maya iya nguluka raban exco iya nemuai ngagai rumah sida ke dituntung penusah tu bedau lama udah.

Bisi 7 buah pintu bilik ke udah angus dalam penusah nya ke nyadi urung pukul 9 p.m kena 3 September tu tadi, ti ngujungka 20 iku orang nadai rumah alai endur diau agi.

Sekeda kaban Exco GRP ke bisi nyempulang Jerenang iya nya Johny Banyang (Sapit Sekretari), Juna Jelani (Pelajar), Mathew Ujen (Raban Nambiak) enggau Thomas Jain (Auditor).

BANTU: Jerenang (empat kiba) nyuaka bantu ngagai Andrew (tiga kanan) lalu dikemataka bala ke bukai.

Newspapers in Malay

Newspapers from Malaysia

© PressReader. All rights reserved.