PBDSB, STAR: Perintah enda bebendar mutarka penanggul sebun asap

Utusan Borneo (Sarawak) - - Berita Iban - Dikarang Judan Bungap

SIBU: Parti Bansa Dayak Sarawak Baru (PBDS Baru) enggau State Reform Party Sarawak (STAR) enda lantang ati meda perintah besai baka ke enda ibuhka penusah sebun ba nengeri tu.

Nengah penerang media, Ketuai Publisiti PBDSB William Mangor enggau Presiden STAR Lina Soo madahka nadai chara ke amat bebendar dipejalaik­a perintah besai enggau perintah nengeri mutarka isu nya.

“Dini alai Menteri Rampa Menua ari perintah besai kitai?. Iya baka ke enda ingat lalu enda bemunyi meda penusah besebun asap ditu.

“Kami nemu menteri tu, Yeo Bee Yin merambu deka nulis surat diplomatik empat hari udah penusah besebun nyadi.

“Tang nyentuk ke diatu kitai enda nemu nama pemutus ari surat nya,” pia ku William.

Lina mega madah, ChairmanKo­mitiMutark­aPenusah Ngenyit Menua Sarawak Datuk Amar Douglas Uggah Embas ngelengkak­a penuduk nya.

“Iya enda tetapika penusah ti bisi nyadi kelimpah kelalu ‘lemi’ maya gawa enggau perintah besai.

“Penyakit rabies mega begunaka beberapa taun baru ulih diputarka manah agi.

“Pia mega baka penusah besebun asap di Sarawak ke udah nyadi beberapa hari sebedau iya datai meri penerang,” ku iya madah.

Nambahka nya, dua iti parti tu merambu deka nganjung memorandum ngagai konsulat Indonesia nyema penusah nya empai diputarka.

SEBUN: William enggau Lina mandangka diri ngena pemampul mulut ketegal hari agi besebun.

Newspapers in Malay

Newspapers from Malaysia

© PressReader. All rights reserved.