MPS minta bantu LAS nyambung ai ngagai palan muai uras ke angus

Utusan Borneo (Sarawak) - - Berita Iban -

SIBU: Majlis Perbandara­n Sibu (MPS) minta bantu Lembaga Ai Sibu (LAS) nyambung sementara bekal ai ngagai palan muai uras di Jalai Seng Ling ditu ngambi ngemudahka pengawa ngerara api ti nganguska palan nya.

Cha irman MPS Clarence Ting madah, bekal air ti disediaka ba palan nya sebedau tu ulah ditutup LAS pengudah palan nya ditutup sereta diserah ngagai Opis Tanah enggau Survei (JTS).

Ku iya, MPS ba wak ke sama mega minta LAS nyendiaka servis lori tangki ai.

“Diatu MPS semina bisi sebuah lori tangki ai lalu nya enda chukup dikereja ngangkut ai kena ngerara api ,” ku iya lebuh dirandau kemari.

Ku Clarence, pengawa ngerara api ba palan muai iras nya dipelaba begunaka timpuh ti lama.

MPS ku iya mesti nyiri kunterikto­r dulu ngusaika baru palan nya nyentuk ngagai penatai api di baruh tanah ke ngasuh penusah angus nya nyadi.

Kelimpah ari nya, MPS mega mesti ngemanah jalai tama ngagai palan nya nngambika raban bomba ulih tama ngerara api dia.

Ku iya, sebedau tu MPS udah mutuska jalai tama kia ngambika nadai orang tama lalu muai uras dia agi.

Kelimpah ari nya, palan muai irai nya mega diuan orang ke diau dia nadai pemendar kenyau ari taun 2001.

“Nadai jalai tama ngagai palan muai uras nya, nya alai kami deka ngemanah baru jalai ti udahh diputuska lalu pekara deka ngasuh pengawa ngerara api begunaka timpuh ti lama ,” jku iya.

Ku iya, palan nya udah ditutup endar kenyau ari bulan April suba.

Newspapers in Malay

Newspapers from Malaysia

© PressReader. All rights reserved.