Intu manah pengandal ti diberi perintah nengeri: Dr Juanda

Utusan Borneo (Sarawak) - - Berita Iban -

MUKAH: Ketuai Raban Bansa enggau Ketua Genturung Pendiau (KMKK) patut ngintu pengandal ti diberi perintah nengeri ngagai sida.

Kaban Kunsil Nengeri (ADUN) Jemoreng Datuk Dr Juanda Jaya madah, sida enda tau nempinaka tanggungpe­ngawa ngagai semua mensia mayuh.

“Jauhka diri ari salah gnuna kuasa, tentuka semua pekara nya teatur enggau pemadah ke amat sebedau nyain barang bagi dokumen ti disua ngagai kita,” ku iya ba Pengerami Gempuru Ninting Taun Begulai enggau KMKK Pelilih Matu bedau lama udah.

KMKK anang berasai malu nanya enti enda tentu nemu sentang sesebengka­h pekara, lalu sida tau betanya ngagai orang bukai baka DO nyema bisi penyaru ba sentang atur.

Tu dikena nentuka pengawa ke diatur ti bekaul enggau rayat mujur.

Berebak enggau nya, Juanda mega ngelalau KMKK seruran ngeripot penanggul bekaul pengelikun enggau pengaa rama ba kandang endur sida.

Nitihka gaya peannggul bekaul dadah ke ditangkap di Matu bedau lama udah, nya mandangka pekara nya nyadi pengirau ba mensia mayuh.

“Orang luar ke datai ngerusak raban bans di menua nya patut diripot ngagai opis bekuasa awakka atur tau diambi ,” ku iya.

Juanda mega madahka KMKK patut ngenataika perambu program ungkup mensia mayuh enggau pemansang ba kandang menua sida.

Naka ke diatu, rikod servis KMKK di Matu mandangka bisi kerejasama ke manah.

Juanda mega meri besai terima kasih ngagai sida laban seruran liat ati bejalaika tanggungpe­ngawa nya.

Newspapers in Malay

Newspapers from Malaysia

© PressReader. All rights reserved.