Sukung apai indai nyungkak pengerembai runding anak
Apai indai ti seruran nyukung anak sida kelimpah ari embing pengajar deka meransang, nentuka penyulut nembiak sekula
MIRI: Sukung enggau kerejasama apai indai ba tetiap aktiviti sekula dipeda ulih mantu nambahka potensial pengerembai runding nembiak sekula, pia ku Kaban Parlimen (MP) Miri Dr Micheal Teo.
Ku iya, apai indai ti seruran nyukung kelimpah bala pengajar ti ngiring ngembing bala nembiak sekula, nya mega lalu ulih meransang anak ngambika terus ransing belajar sereta ngaul diri enggau aktiviti ba sekula.
“Selalu ngelimpangka awak kita ti nyadi apai indai ngambika datai sereta nyereta tetiap program tauka aktiviti ke diatur sekula dalam pengawa dikena mantu meri pengeransing ngagai anak ngambika terus nyulut lalu
Selalu ngelimpangka awak kita ti nyadi apai indai ngambika datai sereta nyereta tetiap program tauka aktiviti ke diatur sekula dalam pengawa dikena mantu meri pengeransing ngagai anak ngambika terus nyulut lalu meri sida peransang.
Dr Micheal Teo
meri sida peransang.
“Pia mega, nengah aktiviti baka kokurikulum sekula ulih meri empas positif ngagai bala anak kitai ti ukai semina ulih meri peransang ngagai sida, tang mega ulih ngemeranka penyerakup, pengeregas dalam lumba enggau main sereta integrasyen nasional,” ku iya.
Dr Teo madah munyi nya ba pengerami 'Majlis Anugerah Kecemerlangan Kokurikulum 2019' Sekula Primari (SK) Jalan Bintang ti bepalan ba Ringkat 3, palan bebelika barang Bouleverd ditu, kemari.
Sama bisi datai iya nya
Kepala Pengajar SK Jalan Bintang Ahmad Othman, Chirman Gerempung Apai Indai enggau Pengajar (PIBG) Jalan Bintang Iqbal Abdollah, sereta temuai dipebasa ke bukai.
Nitih ku Dr Teo, pengerami nya megau ulih ngangkatka pengeransing nembiak ngambika terus nyapai penyulut ngambika terus aktif dalam kokurikulum.
“Pia mega, bala pengajar meseti bebendar nengah kerejasama ti rat begulai enggau apai indai,” ku iya nambah.
Dulu agi ari nya, Ahmad dalam jaku pengelalu iya meri besai penggaga ati ngagai bala nembiak ti ukai semina mantaika penyulut dalam bidang akademik tang mega dalam bidang kokurikulum.
“Bala anak kitai tu mih ti deka nyadi ketuai jemah ila lalu besai pengarap kitai deka meda sida mujur ukai semina dalam bidang akademik tauka kokurikulum, tang mega bisi disiplin dalam ulah sida.
“Biar mih anak tu nyadi chunto ngagai nembiak bukai sepngudah sida tembu belajar ba SK Jalan Bintang jemah ila,” ku iya.
Beserimbai enggau nya, iya meri besai terima kasih ngagai kerejasama ti udah diberi PIBG sereta raban sekula ke
MP Miri
bukai dalam ngatur tetiap aktiviti sekula lalu ngarapka kerejasama rat nya ulih diteruska lalu ditegapka agi.
Tetiap nembiak nya nerima Setipikit Basa Ketuai enggau Penulung Kelas, Setipikit Basa Pengawa Sekula, setipikit enggau perais penyulut kokurikulum Nembiak Ti Pemadu Nyulut renggat sekula kategori Unit Beruniform, Kelab tauka Gerempung sereta Lumba enggau Main, setipikit enggau perais penyulut kokurikulum renggat nengeri, menua enggau antarabansa.
Pengerami nya mega udah mantaika Ewanash Nagaraj dipilih nyadi penerima Anugerah Murid Terbaik Kokurikulum SK Jalan Bintang, lalu Damian Sigau Lalo nerima Anugerah Murid Terbaik Kokurikulum Pendidikan Khas Integrasyen (PPKI) SK Jalan Bintang 2019.