Ampuh bah di Kpg Kemunting diputar nengah pengawa ngelasi sungai
BINTULU: Penusah ampuh bah tunggal ti suah nuntung Kampung Kemunting dikearap ulih diputar nengah pengawa ngelasi sereta ngenalamka agi Sungai Sebab nyengkaum ngaga sistem parit ti sistematik ari Opis Parit enggau Entali Ai di kandang endur ti kena rampit ari projek ngaga apartmen ti enda jauh ari kandang endur nya.
Pemesai Opis Pelilih Bintulu Muhammad Dino Amid madah, sepengudah dua kali baum enggau Menteri ba Opis Kepala Menteri (Integriti enggau Ombudsman) ke mega Kaban Kunsil Nengeri (ADUN) Jepak Datuk Talib Zulpilip bekaul enggau pengawa ke patut diambi dikena mutarka penanggul ampuh bah tunggal ba Kampung Kemunting, nya alai kami udah bulih chara dikena mutarka penanggul tu enggau lengkas.
Ku iya, chara tu iya nya enggau bejalaika pengawa ngerebuk parit nengah sebarang chara, sekalika (ngaga) pengawa ba sungai dikena ngaga akses muntang ti ngalirka ai ke Sungai Sebab.
“Kami udah minta Opis Parit enggau Entali Ai ngambi bejalaika projek tu enggau lengkas lalu aku berasai temegah ati projek tu udah 30 peratus tembu enggau penyauh urung satu kilometer,” ku iya ti ditanya Utusan Borneo lebuh Program Matau enggau Meresa Projek Pemansang di kandang menua Kampung Kemunting Jalai Sebiew enggau taba projek Junction 9 Apartmen di Kampung Kemunting kemari.
Program nya mega sama disereta Palan Servis Kunsil Nengeri (DUN) N67 Jepak sereta ejensi perintah ti ngaul OpisParitenggauEntaliAi,PentadbiranBahagianBintulu(Opis Residen enggau Pelilih Bintulu), Opis Pemansang Bintulu (BDA), Opis Kaunsil Ai Kandang Menua Utara (LAKU), ketuaikomunitienggauperanak Kampung Kemunting.
Berindik ari penemuai nya,
Dino madah sida sekali agi deka datai kia baru meresa projek nya ti mega deka disereta Datuk Talib kena 8 November tu dikena meda tikas pejalai projek nya.
“Kami ngarap nengah pengawa sereta pejalai projek nya ila nadai agi penanggul ampuh bah tunggal ti nyadi ba Kampung Kemunting lalu perambu jemah ila iya nya deka ngaga parit semin di genturung pendiau nya,” ku iya.
Bekaul ungkus projek nya ku iya madah, pejalai sereta ungkus projek nya ari baruh tanggungpengawa Opis Parit enggau entali Ai ti deka mansik chara ke engkeman dalam mutarka penanggul nya ke alai projek dijangka tembu dalam minggu tu.
Beserimbai enggau nya, Ketuai Genturung Pendiau (KK) Kampung Kemunting Abu Kassim Hamzah madah, kerejasama ejensi ti bekaul nyengkaum Palan Servis DUN N67 Jepak iya nya siti pekara ti manah dalam ngiga jalai dikena mutarka penanggul ti ditapi peranak Kampung Kemunting.
“Projek meresi enggau kereja ngenalamka Sungai Sebab endang ngelantangka ati tang dalam timpuh setaun nyangka sungai tu deka tusur tanah tauka ke bukai nya alai endang berat kitai ngaga parit semin di kandang endur ai nya ngalir sereta sungai nya mega,” ku iya.
“Aku ngarap ngambika pengawa ngaga parit semin tu ulih dipejalai ba taun nyin ila,” ku iya nambah.
Dulu agi ari nya, program matau tu iya nya dikena meresa pengawa ngaga sistem parit ti sistematik ungkup landang endur ti kena projek ngaga Junction 9 Apartmen ari ejensi pemansang kandang menua BGC Development Sdn Bhd.
Pengawa matau ungkup projek meresi enggau ngenalam Sungai Sebab ari Opis Parit enggau Entali Ai Bagi Menua Bintulu tu iya nya berindik ari projek ngatur penanggul ampuh bah tunggal di Kampung Kemunting sereta meresa enggau matau utiliti ti bekaul enggau pengawa nyambung paip ari pala paip nyentuk ke rumah ti dipansa projek nya sereta isu ti bekaul enggau LAKU Bintulu.