Putarka penanggul rega komoditi besai ti balat nurun

Rega komoditi besai baka sawit ti balat nurun nya meri empas sereta ngerugi pekebun

Utusan Borneo (Sarawak) - - Berita Iban - Dikarang Rengenyan Labang

KUCHING: Perintah besai dikearapka ulih mutar penanggul sereta ngenegapka rega komoditi besai udah ke udah jauh turun, ti udah meri empas ngagai pengemeran tauka pekebun.

Mohammad Razi Sitam (GPS - Saribas) madahka diri sinu meda pengemeran tauka pekebun menua tu, lebuh rega komoditi besai baka sawit kelalu balat nurun rega sereta baruh ari RM270/tan.

Tu jauh bida enti dibandingk­a enggau pekara ti nyadi sebedau taun 2018, ke alai rega manggai RM500 nyantuk RM600 setan, ku iya.

“Tu (penurun rega komoditi) meri empas ti balat ti ngujungka pekebun kitai besebana laban asil sida nadai meri penguntung.

“Nama chara perintah besai ngenegapka pekara tu? Nyentuk ke diatu nadai ngayanka penambah. Pemadu ngenyinuka ati bisi pemesai sida ngasuh beterima kasih enggau rega ti baru tu.

Kaban Kunsil Nengeri Saribas

“Sida iya enda nemu pekebun kitai kala bulih asil ti chukup manah ba komoditi sawit sebedau tu,” ku iya.

Razi mansutka pekara nya lebuh ti bejuraika perambu belanja nengeri 2020 ba Aum

Ke-2 Penggal Ke-4 Kunsil Nengeri (DUN) Sarawak Ke-18 ba Kompleks DUN ditu, kemari.

Berebak enggau tu, iya meri perambu ngagai perintah ngambika numbuhka

Palan Mansik enggau Ngemansang Produk Ikan Sungai ba Kpg Mangut.

Ku iya ,laban mayuh ikan nyengkaum ikan sungai ke tau mai pemaik ngagai ekomoni peranak menua tu, sereta ulih dikemansan­gka nyadi produk.

“Aku meri perambu patut ditumbuhka siti palan mansik enggau ngemansang produk ikan sungai baka ikan ke tau meri penguntung ngagai peranak menua tu. Ambika chunto di Saribas, produk ikan buntal ti pemadu tebilang kelebih agi ba Batang Saribas di Kampung Mangut Spaoh.

“Nya kebuah opis perintah megai Bagi menua Betong enggau YBhg Datuk Patinggi Dr Alfred Jabu Numpang ex-Sapit Kepala Menteri bejalaika inisiatif ngangakatk­a Kampung Mangut nyadi Palan Pesta Ikan buntal ti diatur ninting taun nyentuk ke diatu.

“Taja pia, perambu palan mansik tu ukai semina ungkup sekeda ikan aja, tang mungkur produk ikan sungai ke bukai baka ikan bulu, ikan labang, ti diatu manggai RM40/kg. Mayuh ikan sungai bukai bemusim ke patut dikemaju nyadi produk menua tu,” ku iya.

Nama chara perintah besai ngenegapka pekara tu? Nyentuk ke diatu nadai ngayanka penambah. Pemadu ngenyinuka ati bisi pemesai sida ngasuh beterima kasih enggau rega ti baru tu.

Mohammad Razi Sitam

Newspapers in Malay

Newspapers from Malaysia

© PressReader. All rights reserved.