Yussibnosh: Ungkupka belanja dikena ngemanah SMK St Patrick Mukah

Utusan Borneo (Sarawak) - - Berita Iban -

KUCHING: Yussibnosh Balo (GPS - Tellian) minta perintah nengeri ngungkupka belanja dikena ngemanah enggau ngaga baru sekula Sekolah Menengah Kebangsaan (SMK) St Patrick Mukah ti udah manggai 114 taun.

Ku iya, ba taun 2020 sida deka betapi enggau pengurang ari sukut kereban sekula, makmal sains, bilik pengajar, kantin enggau kedai koperasi, bilik chelak bengkel, Librari enggau blok mayuhguna.

“SMK St Patrick Mukah iya sekula ti pemadu tuai di Mukah ti beumur 114 taun. Ketegal tu aku minta ngambika ungkup belanja dikena ngaga enggau ngemanahka baru sekula jai sereta repuk mega ulih diperundin­gka ungkup sekula tu.

“Penyampau kelas ti ulih dikena diatu semina 13 buah dikena nampung pe]nyampau nembiak masuk lebih ari 700 iku taun baru.

“Nya alai, aku minta ngambika sekeda ari ungkup belanja sepenyampa­u RM5.5 juta dikena ngemanahka agi sekula di serata Sarawak enggau lis 62 buah sekula ari baruh RECORDA,” ku iya lebuh ti bejuraika perambu belanja nengeri 2020 ti dibantaika Kepala Menteri Datuk Patinggi Abang Johari Tun Openg, ba Aum Ke-2

Penggal Ke-4 Kunsil Nengeri (DUN) Sarawak ba Kompleks DUN ditu, kemari.

Berebak enggau tu, iya meri terima kasih ngagai ungkup belanja ke diagih ngagai Palan Pemansang Pengelandi­k Sarawak (PPKS) Mukah nengah sekeda ungkup belanja sepenyampa­u RM220 juta, dikena numbuhka ‘highly trained technical and profession­al workforce’ dikena napi peminta industri revolusyen 4.0.

“Aku minta ngambika palan tu ila nyendiaka kus betanam betupi pintar dikena nyikap orang biak ti ngambi bagi dalam betanam betupi moden,” ku iya.

YUSSIBNOSH

Newspapers in Malay

Newspapers from Malaysia

© PressReader. All rights reserved.